އަމާނާ ތަކާފުލްގެ ކޭޝްލެސް ހިދުމަތްތައް ވަގުތީ ގޮތުން މެދު ކަނޑާލައިފި ކަމަށް އެ ކުންފުނިން ބުނެފިއެވެ.

މިކަން އިއުލާންކޮށް އެ ކުންފުނީގެ ވެބްސައިޓްގައި ބުނެފައިވަނީ ކޭޝްލެސް ހިދުމަތް މެދުކަނޑައިލަން ޖެހުނީ އަމިއްލަ އިންޝުއަރެންސް ހުސްނުވަނީސް އާސަންދަ ބޭނުން ނުކުރެވޭ ގޮތަށް ސަރުކާރުން އުސޫލު ބަދަލު ކުރުމުން ކަމަށެވެ.

މީގެ އިތުރުން، އެ ހިދުމަތް ވަގުތީ ގޮތުން ހުއްޓާލައިފައިވާކަން ހޮސްޕިޓަލްތަކަށާއި ކްލިނިކުތަކުގެ އިތުރުން ބޭސްފިހާރަތަކަށް އަންގާފައިވާ ކަމަށް އިއުލާނުގައި ބުނެފައިވެ އެވެ.

އެ މީހެއްގެ އަމިއްލަ ޖީބުން ފައިސާ ދެއްކުމަށްފަހު އަމާނާ ތަކާފުލްއަށް،[email protected] އަށް ނުވަތަ 9540045 އަށް ވައިބާ މެެދުވެރިކޮށް ބިލު ހުށަހެޅުމުން އެ ފައިސާ އަނބުރާ ދޭނެ ކަމަށް އެ ކުންފުނީގެ ބަޔާނުގައި ބުނެފައިވެ އެވެ.

އަމިއްލަ އިންޝުއަރެންސް އޮންނަ ފަރާތްތަކުގެ އެ އިންޝުއަރެންސް ހުސް ނުވަނީސް އާސަންދަ ނުލިބޭ ގޮތަށް އުސޫލު ބަދަލު ކުރީ މިދިޔަ ހުކުރު ދުވަހުން ފެށިގެންނެވެ.

ސަރުކާރުން ނިންމި މި ނިންމެވުމާއި ގުޅިގެން އާންމުންގެ ނުރުހުމާއި ބޮޑެތި ފާޑުކިޔުންތައް ދަނީ އަމާޒުވަމުންނެވެ.