ސަހްޔޫނީންގެ އިސްތިއުމާރީ ބާރުތަކުން މިއަދު ހެނދުނު ޣައްޒާގެ އެކި ސަރަހައްދުތަކަށް އަމާޒުކޮށް ދިން ލާމަސީލު އަދި ރަހުމެއްނެތް ވައިގެ ހަމަލާތަކުގައި، ފަލަސްތީނުގެ ކުށެއްނެތް ގިނަ ރައްޔިތުންތަކެއް ޝަހީދުކޮށްލައިފިއެވެ.

މިއަދުގެ މި ހިތާމަވެރި ހަމަލާތަކުގައި ޝަހީދުވި މީހުންގެ ތެރޭގައި ދެ ތުއްތު ކުދިން ހިމެނެއެވެ. ރިޕޯޓްތައް ބުނާގޮތުގައި، މި ދެ ކުދިން ޝަހީދުވެފައިވަނީ އެކުދިން ނިދާފައި ތިއްބާ ދިން ހަމަލާއެއްގައި ގެދޮރު ސުންނާފަތިވެ އެ ކުދިންގެ ގަޔަށް ގެ ވެއްޓުމުންނެވެ.

ސަހްޔޫނީންގެ މި އުދުވާނީ ހަމަލާތައް އަމާޒުވެފައިވަނީ އާންމުން ދިރިއުޅޭ ސަރަހައްދުތަކަށެވެ. މިއީ ފަލަސްތީނުގެ ނިކަމެތި ރައްޔިތުން ނައްތާލުމަށް ހިންގާ ލާއިންސާނީ ޖަރީމާތަކުގެ ތެރެއިން ހިނގި އިތުރު ހިތްދަތި ހާދިސާއެކެވެ.

މި ހަމަލާއާ ގުޅިގެން ޣައްޒާގެ ހޮސްޕިޓަލްތަކަށް ގިނަ އަދަދެއްގެ ޒަޚަމްވީ މީހުން އުފުލާފައިވާއިރު، އެހީތެރިކަން ފޯރުކޮށްދިނުމުގައި ސިއްހީ ފަރާތްތަކަށް ވަނީ ބޮޑެތި ގޮންޖެހުންތަކެއް ކުރިމަތިވެފައެވެ. ދުނިޔޭގެ އެކި ކަންކޮޅުތަކުން ދަނީ ސަހްޔޫނީންގެ މި އަނިޔާވެރި އަމަލުތައް ކުށްވެރިކޮށް، ފަލަސްތީނުގެ ރައްޔިތުން ހިމާޔަތްކުރުމަށް ގޮވާލަމުންނެވެ.