ނިރުބަވެރި ސަހްޔޫނީން ޣައްޒާއާއި ދެކޮޅަށް ހިންގަމުންދިޔަ އަނިޔާވެރި ގަތުލުއާންމުގައި އެތަކެއް އާއިލާތަކެއް ރޫޅި، ދަރިންތައް ޔަތީމުވެ، މައިންބަފައިންނަށް އެމީހުން ދަރީންތައް ވަނީ ގެއްލިގެން ގޮސްފައެވެ.

އެތަކެއް އަހަރުވީ މި ހަނގުރާމައަށްފަހު މިނިވަން ޖައްވަކަށް ޣައްޒާ ރައްޔިތުން ނޭވާ ލަމުންދާއިރު މި މިނިވަންކަމުގެ ޙަގީގީ އުފާ އެމީހުންގެ ދިރިއުޅުމުން މިއަދު ފެންނާކަށް ނެތެވެ. ސޯޝަލް މީޑިއާގައި ޣައްޒާ ރައްޔިތުންގެ އޭރުގެ ދިރުޅުމާއި މިހާރު ޣައްޒާ ރައްޔިތުންގެ ހާލަތު ދައްކުވައިދޭއިރި ހިތްފަޅައިގެންދާވަރުވެއެވެ.

ސޯޝަލް މީޑިއާގައި އާންމުވެފައިވާ ވީޑިއޯއެއްގައސަހްޔޫނީންގެ ޖަލުން މިނިވަންވި ޣައްޒާ ރައްޔިތަކު އޭނާގެ މުޅި އާއިލާ ހަނގުރާމައިގައި ޝަހީދުވެ ދުނިޔެ ދޫކޮށްފައިވާ ކަމަށާއި މިހާރު ލިބުނު މި މިނިވަންކަމުން އެއްވެސް އުފަލެއް ނެތް ކަމަށް ބުނެ ރޮމުން އޭނާގެ ވާހަކަ ކިޔާދީފައިވެއެވެ.

ޔަހޫދީންގެ ލާއިންސާނީ އަނިޔާތަކުން ޣައްޒާ ރައްޔިތުން ސަލާމަތްވިއިރު އެމީހުންވެސް ވަނީ އެ އަނިޔާވެރިކަމުގައި ޝަހީދުވެފައިވާ ފަދައެވެ. ބަނޑުހައި ހޫނުކަމުގައި އެތަކެއް ދުވަސްތަކެއް ހޭދަކުރުމުގެ ސަބަބުން ހަށިގަނޑުވަނީ ހިކި އަނަރޫފަވެފައެވެ. ގައިގާ އެއްވެސް ވަރެއް ނެތެވެ. ސަހްޔޫނީންގެ ޖަލުތަކުން މިހާރު މިނިވަން ކުރަމުންދާ ޣައްޒާ ރައްޔިތުންގެ ހާލަކީވެސް މިއީއެވެ. އާއިލާގެ ގިނަ މެންބަރުން ނުވަތަ އެންމެން ކަހަލަ ގޮތަކަށް ވަނީ ނިޔާވެފައެވެ. މިނިވަންވެގެން އަނބުރާ ދާނެ ބައެއް ނެތެވެ.