ދިފާއީ ދާއިރާއިން ގުޅުން ބަދަހި ކުރުމަށް އިންޑިއާ އާއި އެމެރިކާއާ ދެމެދު ފްރޭމްވޯކް އެއްބަސްވުމެއްގައި ސޮއިކޮށްފިއެވެ.
ކުރިއަށް އޮތް 10 އަހަރަށް ޕްލޭންކޮށްފައިވާ މި އެއްބަސްވުން ހާމަކޮށްފައި ވަނީ އެމެރިކާގެ ޑިފެންސް ސެކްރެޓަރީ ޕީޓް ހެގްސެތު އާއި އިންޑިއާގެ ޑިފެންސް މިނިސްޓަރ ރާޖްނާތު ސިންހް އާސިއާން ސަމިޓްގެ ހަވާސާގެ ތެރެއިން، މެލޭޝިއާގެ ކުއާލަލަމްޕޫރުގައި ބޭއްވި ބައްދަލުވުމަށްފަހުއެވެ.
މި އެއްބަސްވުމުގެ ސަބަބުން ދެޤައުމުގެ މެދުގައ އަސްކަރީ ގުޅުން އިތުރުކުރެވި، މައުލޫމާތު ހިއްސާ ކުރުމާއި، ޓެކްނޮލޮޖީގެ ގޮތުން ގުޅުން ބަދަހިވެގެންދާނެ ކަމަށް ހެގްސެތު ބުނެފައިވެއެވެ.
މި އެއްބަސްވުމުގައި ސޮއި ކުރުން ލަސްވެފައިވަނީ އިންޑިއާ އާއި ޕާކިސްތާނާ ދެމެދު ހިނގި ކުރިމަތިލުންތައް ހުއްޓުވީ ޓްރަމްޕްކަމަށް އެމަނިކުފާނު ވިދާޅުވުމާއި ގުޅިގެން، އިންޑިއާއިން އެކަމާ ހިތްހަމަނުޖެހިގެންނެވެ.
އިންޑިއާއިން ހާމަކޮށްފައިވާ ގޮތުން ހަމަލާތައް ހުއްޓާލީ އިންޑިއާގެ އަމާޒު ހާސިލްވުމުންނެވެ.
އިންޑިއާއިން ވަނީ މިފަހުން އަފްޣާނިސްތާނާއި އެކުވެސް ދިފާއީ އެއްބަސްވުމެއްގައި ސޮއިކޮށް ގުޅުން އިތުރަށް ގާއިމުކޮށްފައެވެ. އަދި އަފްޣާނިސްތާނުގެ ބިން ބޭނުންކޮށްގެން އިންޑިއާއިން ވަނީ ޕާކިސްތާނަށް ހަމަލާވެސް ދީފައެވެ.
