ސަހްޔޫނީންގެ ވަޒަންވެރިން ސިފައިންގެ ހިމާޔަތުގެ ދަށުން ހުޅަނގު އައްސޭރި ހުރަސްކޮށް ޣައްޒާއަށް ހަމަލާދެމުންދާ ކަމަށް ރިޕޯޓްކޮށްފިއެވެ.

ހުޅަނގު އައްސޭރީގެ ބައެއް ސަރަހައްދުތަކަށް ސަހްޔޫނީންގެ ވަޒަންވެރިންނާއި ސިފައިންގެ ހިމާޔަތުގެ ދަށުން ދިން މި ހަމަލާތަކުގައި އެތައް ބަޔަކު ޒަޚަމްވެ، ހައްޔަރުކޮށް، މުދަލަށް ބޮޑެތި ގެއްލުންތަކެއް ދީފައިވެއެވެ.

މީގެ އިތުރުން ވަޒަންވެރިން ވަނީ ގުދުސްގައި ހުންނަ އަލްއަގްސާ މިސްކިތުގެ ސަރަހައްދަށަ ވަންނަން މަސައްކަތްކޮށް ހަމަނުޖެހުން ހަދާފައެވެ.

ފަލަސްތީނުގެ މަސްދަރުތަކުން ރިޕޯޓްކޮށްފައިވާ ގޮތުގައި އިންޑަސްޓްރިއަލް ސަރަހައްދުގެ ތެރޭގައި ވަޒަންވެރިވި މީހުން ވަނީ ޑައިރީ ފެކްޓްރީއަކަށް ނިސްބަތްވާ ހަތަރު ޓްރަކް ހިމެނޭ ގޮތަށް އެތައް އުޅަނދެއްގައި އަލިފާން ރޯކޮށް، އެ ފެކްޓްރީއަށާއި ކައިރީގައި ހުރި މުދަލަށް ގެއްލުން ދީފަ އެވެ.

ސަހްޔޫނީން ޣައްޒާއާއި ދެކޮޅަށް ހިންގަމުންދިޔަ ހަނގުރާމަ ސުލްހައިގެ އެއްބަސްވުމުގެ ދަށުން ހުއްޓާފައިވާ ކަމަށް އިއުލާންކުރި ނަމަވެސް އެކި ތުހުމަތުތައް ޣައްޒާ ރައްޔިތުން ބޮލުގައި އަޅުވާ ސަހްޔޫނީން އަންނަނީ ހަމަލާތައް ދެމުންނެވެ.