ނިރުބަވެރި ޔަހޫދީން އަނެއްކާވެސް ލުބްނާންގެ ބަޔެއް ފޭރިގަނެ އަމިއްލަކުރަން ރޭނި ފާރަކީ ލުބްނާންގެ ސަރަޙައްދުގެ ތެރެއަށް ވަންނަ ގޮތަށް ހަދާފައިވާ ފާރެއް ކަމަށް އދއިން ބުނެފިއެވެ.
ލުބްނާނާއި ޒަޔަނިސްޓު ދަޢުލަތް ވަކިކުރަން އދއިން އިސްވެ ކަނޑައަޅާފައިވާ ސަރަޙައްދީ ރޮނގަކީ ' ބްލޫ ލައިން'ގެ ނަން ދީފައިވާ ރޮނގެކެވެ.
އދ.ގެ ސެކްރެޓަރީ ޖެނެރަލްގެ އިސް ތަރުޖަމާނު ސްޓެފަނީ ދުޖާރިކް ވިދާޅުވީ، އެ ސަރަޙައްދުގައި ޔަހޫދީން ރާނާފައިވާ ފާރު ލުބްނާންގެ 4،000 އަކަ މީޓަރަށް ވުރެ ބޮޑު ސަރަޙައްދަކަށް ވަދެފައިވާ ކަމަށާއި، އެ ފާރުގެ ސަބަބުން އެ ސަރަޙައްދުގައި ދިރިއުޅޭ ލުބްނާންގެ ރައްޔިތުންނަށް އެ ސަރަޙައްދަށް ވަދެ ނުކުތުމުގެ ފުރުޞަތު ގެއްލިފައިވާ ކަމަށެވެ.
އަދި އެއީ ލުބްނާންގެ މިނިވަންކަމާއި އިސްތިޤުލާލަށް ހުރަސްއެޅޭ ކަމަކަށްވާތީ، ލުބްނާންގެ ސަރަޙައްދުގެ ތެރެއަށް ވަދެފައިވާ ފާރުގެ ބައި ތަޅާލަން، ޔަހޫދީންގެ ނިރުބަވެރި ދައުލަތުގެ އަސްކަރިއްޔާއަށް އަންގާފައިވާކަމަށް އޭނާ ވިދާޅުވި އެވެ.
ޔަހޫދީން އަންނަނީ ލުބްނާންގެ ހިޒްބުﷲ އާއި ދެކޮޅަށް ލާއިންސާނީ ހަމަލާތައް ފާއިތުވި އަހަރު ތެރޭގައި ދީފައެވެ. ހިޒްބުﷲ އަކީ ލަސްޠީނުގެ ރައްޔިތުންނާއި، މިނިވަން ކަމަށް ޖިހާދު ކުރަމުންދާ ޖަމާޢަތްތަކަށް ވާގިވެރިވާ ޖަމާއަތަކެވެ.
