theyra online
ހަބަރު
ސިޔާސީ
ވިޔަފާރި
ދުނިޔެ
ރިޕޯޓު
ވީޑިއޯ
ފޮޓޯ
Theme
Copyright © 2013-2025 Media Ring Pvt Ltd.
All rights reserved
- / އަލްޖަޒީރާ
ދުނިޔެ
އޮސްޓްރޭލިއާއަށް ބާރުގަދަ ތޫފާނެއް އަރައިފި
Aiminath Zawjah
އައިމިނަތް ޒަޢުޖާ
23 ނޮވެމްބަރު 2025
މާލެ ސިޓީ

އޮސްޓްރޭލިއާއަށް ބާރުގަދަ ތޫފާނެއް އަރައި، ވައިގަދަވެ ލިބުނު ގެއްލުންތަކުގައި އެ ޤައުމުގެ ދެކުނުގެ ބޮޑު ސަރަޙައްދަކުން ކަރަންޓު ކެނޑިފައިވާކަމަށް ރިޕޯޓްކޮށްފިއެވެ.

"ފައިނާ"ގެ ނަމުން ނަންދީފައިވާ ތޫފާނު، އޮސްޓްރޭލިއާގެ ދެކުނުގައި އޮންނަ ޑާވިން ސަހަރަށް އެރިއިރު، ގަޑިއަކު 205 ކިލޯމީޓަރުގެ ބާރުމިނުގައި ވައިޖެހުނުކަމަށް އެ ޤައުމުގެ މުސޫމާބެހޭ އިދާރާއިން ބުނެފައިވެއެވެ.

އެ ސަހަރުގައި ގާތްގަނޑަކަށް 140،000 މީހުން އާދާދީއެއް ދިރިއުޅޭއިރު، ތޫފާނާ ގުޅިގެން ލިބުނު ގެއްލުންތަކުގައި ގިނަ ސަރަޙައްދުތަކުން ކަރަންޓު ވަނީ ކެނޑިފައެވެ.

މި ތޫފާނުގެ ސަބަބުން މަގުތަކުގައި ފެންބޮޑުވެ، އާންމުންގެ ގެދޮރާއި މުދަލަށް ބޮޑެތި ގެއްލުންތައް ލިބިފައިވާ ކަމަށާއި ނަމަވެސް އެއްވެސް މީހަކަށް ގެއްލުމެއް ލިބިފައިނުވާ ކަމަށް ކަމާއި ބެހޭ އިދާރާތަކުން ބުނެއެވެ.

އަދި ވައިބާރުވުމުގެ ސަބަބުން، ކަރަންޓު ފޯރުކޮށްދޭ ބައެއް ހޮޅިދަނޑިތައް މަގުމައްޗަށް ވެއްޓިފައިވާތީ، އެކަމަށް ޚާއްސަ ސަމާލުކަމެއް ދިނުމަށް ކަމާބެހޭ އިދާރާތަކުން ވަނީ އާންމުންނަށް އިލްތިމާސްކޮށްފައެވެ.

ތޫފާނާ ގުޅިގެން، ޑާވިން ސަހަރުގެ މައި ވައިގެ ބަނދަރުގެ އުދުހުންތައް އިއްޔެއިން ފެށިގެން މެދުކަނޑާލާފައިވާއިރު، އުދުހުންތައް އަލުން ފެށުމަށް މަސައްކަތް ކުރަމުންދާކަމަށް އެ ވައިގެ ބަނދަރު ހިންގާ ފަރާތުން ނެރުނު ބަޔާނެއްގައި ބުނެފައިވެއެވެ.

މިދިޔަ މާޗް މަހު އެރި ތޫފާނު "އެލްފްރެޑް"ގައި އޮސްޓްރޭލިއާގެ ކުއީންސްލޭންޑަށް ބޮޑެތި ގެއްލުންތައް ލިބި، ބޮޑު ސަރަޙައްދަކުން ކަރަންޓުގެ ޚިދުމަތް ކެނޑުނެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved