އައްޑޫ ސިޓީ ލިންކްރޯޑުގައި ހުރި ވަޅުގަނޑުތަކަަށް ވެލި އަޅާއި އެފަދަ ގޮތަކަށް މަރާމާތު ކުރަނީ ތާރުއަޅާ މަގު ހެދޭނެ ވަރަށް ސަރުކާރުގައި ފައިސާ ނެތިގެން ކަމަށް އެ ސިޓީގެ މޭޔަރ އަލީ ނިޒާރު ވިދާޅުވެއްޖެ އެވެ.
މަގުގައި ހުރި ވަޅުގަނޑުތަކަށް ދޮންވެލި އަޅަމުންދާ މަންޒަރު ފެންނަ ފޮޓޯތަކެއް މިނިސްޓްރީ އޮފް ސިޓީސް، ލޯކަލް ގަވަމަންޓު، ޕަބްލިކް ވޯކްސް އިން އެކްސްގައިވަނީ ޕޯސްޓެއްކޮށްފަ އެވެ.
މަގުތައް އޮތީ ހަލާކުވެފައި ކަމަށާއި ދޮންވެލި ފިޔަވައި އެ ތަންތަނަށް އަޅާނެ އެއްޗެއް ނެތްކަމަށް މި މައްސަލަ އާއި ގުޅިގެން ނިޒާރާއި ހަވާލާދީ އަދަދު ނޫހުންވަނީ ރިޕޯޓުކޮށްފައެވެ.
އެގޮތުން ތަކުރާރުކޮށް ސުވާލު ކުރުމުންވެސް ދެއްވި ޖަވާބަކީ މިނިސްޓްރީގައި ތާރު އަޅާނެ ފައިސާ ނެތް ކަމަށް އޭނާ ފާހަގަ ކުރެއްވިއެވެ.
މީގެ އިތުރުން ސިޓީ ކައުންސިލުގައި ތާރު ނެތްކަން ނިޒާރު ހާމަ ކުރެއްވިއެވެ. ނަމަވެސް 50 ފީފާ ތާރު ހޯދަން އިއުލާނުކޮށްފައިވާނެ ކަމާއި އެ ތަކެތި ލިބުމުން އެ މަސައްކަތް ކުރިއަށް ގެންދާނެކަމަށް އަދަދު ނޫހުގައިވަނީ ރިޕޯޓުކޮށްފައެވެ.
މިއަދު މާލޭގެ ތާރު އެޅި މަގުތައްވެސް ވަޅުގަނޑު ހެދުމުން އެތަންތަން މަރާމާތު ކުރަނީ ގައު އަޅައިގެންކަން ފާހަގަކޮށްލެވެ އެވެ.
