އިރާނާއި އިސްރޭލާ ދެމެދު އިއްޔެ ފެށުނު ނުރައްކާތެރި ހަނގުރާމައިގެ ސަބަބުން މުޅި މެދުއިރުމައްޗާއި ދުނިޔޭގެ މަސްރަހު ގަދައަށް ހޫނުވެފައިވަނިކޮށް، އެމެރިކާގެ އަސްކަރީ މުދާ އުފުލާ މަތިންދާބޯޓެއް ކަމަށްވާ C130 Lockheed L-100-30 (382G) މީގެ ކުޑަވަގުތުކޮޅެއް ކުރިން ވެލާނާ އިންޓަނޭޝަނަލް އެއާޕޯޓަށް ޖައްސައިފިއެވެ.
ބައިނަލްއަގުވާމީ ފްލައިޓް ޓްރެކިންގ ސައިޓްތަކުން ފެންނަ ގޮތުގައި، މި ބޯޓު ރާއްޖެއަށް ޖެއްސުމާއެކު އޭގެ ޓްރެކާ ވަނީ ނިއްވާލާފައެވެ.
މިއީ އާންމުކޮށް އަސްކަރީ ސިއްރު އޮޕަރޭޝަންތަކުގައި ނުވަތަ ސަލާމަތީ ފިޔަވަޅެއްގެ ގޮތުން ކުރާ ކަމަކަށްވާއިރު، ސަރަހައްދީ ހަނގުރާމައެއް ފެށިފައިވާ މި ދަނޑިވަޅުގައި މިފަދަ ބޯޓެއް ރާއްޖޭގައި މަޑުކުރުމަކީ ގިނަ ބައެއްގެ ސަމާލުކަން ހުއްޓި، ކަންބޮޑުވުން އުފެދިފައިވާ ކަމެކެވެ.
މި ބޯޓު ރާއްޖެއަށް އައި ސަބަބެއް އަދި ރަސްމީ އިދާރާއަކުން ކަށަވަރުކޮށްދީފައެއް ނުވެއެވެ.
