ނިރުބަވެރި ސަހްޔޫނީންގެ އަސްކަރިއްޔާއިން ފަލަސްތީނުގެ ޣައްޒާއަށް ދެމުން އަންނަ ހަމަލާތަކާއި ގުޅިގެން މުއާސަލާތީ ހިދުމަތް ކެނޑިފައިވާ ކަމަށް ރިޕޯޓްކޮށްފިއެވެ.
ފަލަސްތީނުގެ ޓެލެކޮމިއުނިކޭޝަންސް ރެގިއުލޭޓަރީ ކޮމިޝަން ބުނީ، ސަހްޔޫނީންގެ ހަމަލާތަކާއި ގުޅިގެން އިންޓަނެޓާއި ފޯނުގެ ހިދުމަތް ޣައްޒާގެ އުތުރުން ކެނޑިފައިވާ ކަމަށެވެ
އެ ކޮމިޝަނުން ބުނި ގޮތުގައި އެކަން ދިމާވެފައިވަނީ އެ ސަރަހައްދުގައި ހުރި އެވަސީލަތްތައް ފޯރުކޮށްދޭ ތަންތަނަށް ސަހްޔޫނީނުން ހަމަލާދިނުމުން ކަމަށެވެ. އަދި މިވަގުތު ނުރައްކަލެއް އޮތް ނަމަވެސް އެކަން ހައްލުކުރުމަށް މަސައްކަތް ކުރަމުން އަންނަކަން ވެސް ވަނީ ހާމަކޮށްފައެވެ
ސަހްޔޫނީންގެ ހަމަލާތަކާއި ގުޅިގެން ޣައްޒާގެ އުތުރުން މުއާސަލާތީ ހިދުމަތް ކެނޑިފައިވާއިރު، 7 އޮކްޓޫބަރު 2023 އިން ފެށިގެން އެގައުމުން ދެމުން އަންނަ ހަމަލާތަކުގައި އެތައް ފަހަރެއްގެ މަތިން ޣައްޒާގެ އެކި ސަރަހައްދުތަކުން ވަނީ މުއާސަލާތީ ހިދުމަތް ކެނޑިގެން ގޮސްފައެވެ. މީގެ އިތުރު ބޮޑު ސަރަހައްދެއްގައި ކަރަންޓުގެ ހިދުމަތް ވެސް ނެތް ކަމަށް ރިޕޯޓްތަކުން ވަނީ ބުނެފައެވެ.
