އެމެރިކާގެ ރައީސް ޑޮނަލްޑް ޓްރަމްޕް، އިސްރާއީލުގެ ބޮޑުވަޒީރު ބެންޖަމިން ނަތަންޔާހޫއާއި ހަމާސް ޖަމާއަތާއި އެކު، ޣައްޒާގެ ހަމަނުޖެހުން ނިމުމަކަށް ގެނައުމަށް އަމާޒު ހިފާފައިވާ ސުލްހައިގެ ޕްލޭނެއް ވޮޝިންޓަންގައި ހާމަކުރައްވައިފި އެވެ.
ޓްރަމްޕް ވަނީ ހަމާސް "ސުލްހައަށް ތައްޔާރަށް" އޮތް ކަމަށް އިއުލާންކޮށް، ރަހީނުކޮށްފައިވާ މީހުން ދޫކޮށްލުމަށް އެއްބަސްވެފައިވާ ކަމަށާއި އިސްރާއީލުން ޣައްޒާގައި ހަނގުރާމަ އަބަދަށް ހުއްޓާލުމަށް ނިންމާފައިވާކަން ހާމަކޮށްފައެވެ.
20 ޕޮއިންޓުގެ މައްޗަށް ބިނާކޮށްފައިވާ މި ޕްލޭންގައި މަސައްކަތް ކުރަނީ ޣައްޒާގެ ވެރިކަން އަލުން ބައްޓަން ކުރުމަށެވެ. އެގޮތުން ހަމާސްގެ ބަދަލުގައި ފަލަސްތީނުގެ މިނިވަން ޓެކްނޮކްރެޓުންނަށް އެ ސަރަހައްދުގެ ކޮންޓްރޯލް ބަދަލުކޮށް، އިސްރާއީލުގެ ހުރިހާ އަސީރުން ދޫކޮށްލުމުަށް ހަމާސްއިން ހުށަހަޅާފައިވެއެވެ.
މި ޕްލޭންގެ ސަބަބުން އިންސާނީ އެހީތެރިކަން ކަށަވަރުވެ، މަދަނީ އިންފްރާސްޓްރަކްޗަރ އަލުން ބިނާކޮށް، ފަލަސްތީނުގެ މީހުންނަށް ލިބޭ ތަކުލީފު ކުޑަވެގެންދާނެ ކަމަށް ޓްރަމްޕް ފާހަގަކުރެއްވިއެވެ.
ނަތަންޔާހޫ ވަނީ މި ޕްލޭންއަށް ރަމްޒީ ގޮތުން އެއްބަސްވެ، އިސްރާއީލުގެ މައިގަނޑު މަގުސަދުތައް ހާސިލްވާ ކަމަށް ވިދާޅުވެފައެވެ. އަދި އިސްރާއީލުން ރަހީނުކޮށްފައިވާ މީހުން އަނބުރާ ދިނުމާއި، އެގައުމުގެ ސަލާމަތީ ކަންކަން ކަށަވަރުކޮށްދިނުމާއި، ހަމާސްގެ ނުފޫޒު ހަނިކުރުން އެމީހުންގެ މައިގަނޑު ޕްއިންޓްތަކުގައި ހިމެނެއެވެ.
އޭނާ ވިދާޅުވީ އެ ޕްލޭންގައި ހަމާސް އެކަހެރިކޮށް، އިސްރާއީލުގެ ހަނގުރާމައިގެ އަމާޒުތައް ރައްކާތެރިކޮށްދޭ ކަމަށެވެ. ޣައްޒާ ތެރޭގައި ހިންގާ އަސްކަރީ އޮޕަރޭޝަންތައް އަދި ފުރިހަމައަށް ހުއްޓިފައި ނުވި ނަމަވެސް ފުރަތަމަ މަރުހަލާ ތަންފީޒު ކުރަން ތައްޔާރަށް އޮތްކަން ވެސް އިސްރާއީލުން ވަނީ އިޝާރާތްކޮށްފަ އެވެ.
ހަމާސް އިން ވަނީ ޕްލޭންގެ މުހިންމު ބައިތަކަށް އެއްބަސްވެފައިވާ ކަމުގެ އިޝާރާތެއް ދީފައި ނަމަވެސް އިސްރާއީލުގެ މައިގަނޑު ޑިމާންޑެއް ކަމަށްވާ ހަތިޔާރު ނައްތާލުމަށް ވައުދުވާން ދެކޮޅު ހަދާފަ އެވެ. އެ ޖަމާއަތުން ބުނީ އަސީރުން ދޫކޮށްލައި ވަގުތީ ވެރިކަމެއް ބަލައިގަތުމަށް ތައްޔާރަށް އޮތް ނަމަވެސް ނާޒުކު މައްސަލަތަކުގައި އިތުރު މަޝްވަރާތަކެއް ކުރަން ޖެހޭނެ ކަމަށެވެ.
މި ޕްލޭންގައި އަލިއަޅުވާލާފައިވާ މައިގަނޑު 20 ޕްއިންޓަކީ:
ނަމަވެސް ޓްރަމްޕް ވަނީ ކަނޑައެޅިފައިވާ މުއްދަތަށް ހަމާސް އިން ފުރިހަމައަށް އެއްބަސް ނުވެއްޖެނަމަ "އެމީހުންނާ ދެކޮޅަށް ނުރައްކާ" އޮތް ކަމަށް ބުނެ އިންޒާރު ދެއްވާފައެވެ.
