އދ.ގެ އޭޖެންސީ ފޯ ފަލަސްތީނިއަން ރެފިއުޖީސް (ޔޫއެންއާރްޑަބްލިއުއޭ) އިން ރިޕޯޓް ކުރާ ގޮތުގައި ސަހްޔޫނީން އަދިވެސް ދަނީ އެ ގައުމުގެ ބައިނަލްއަގުވާމީ އެހީތެރިކަން ފޯރުކޮށްދޭ މީހުންނާއި ޖަމިއްޔާތަކަށާއި، އަދި އެހީގެ ގޮތުގައި ފޯރުކޮށްދޭ ސާމާނު ޣައްޒާއަށް އެތެރެކުރުމަށް ހުރަސް އަޅަމުންނެވެ.
ސަހްޔޫނީންހގެ ފިއްތުންތަކާއި އެކުވެސް އެ އިދާރާގެ 12،000އެއްހާ މުވައްޒަފުން މިހާރުވެސް ޣައްޒާގައި ހަރަކާތްތެރިވަމުން އަންނަ ކަމަށް ޔޫއެންއާރްޑަބްލިއުއޭ އިން ބުނެފައިވެއެވެ.
މިދިޔަ އަހަރުގެ ތެރޭގައި ސަހްޔޫނީން ވަނީ ޔޫއެންއާރްޑަބްލިއުއޭ އިން ކޮންޓްރޯލް ކުރާ ސަރަހައްދުތަކުގައި ހަރަކާތްތެރިވުން އެ އިދާރާއަށް މަނާކޮށްފަ އެވެ.
މިދިޔަ ހަފުތާގައި އިންޓަނޭޝަނަލް ކޯޓް އޮފް ޖަސްޓިސް އިން ނިންމާފައިވަނީ އދ ގެ ޔޫއެންއާރްޑަބްލިއުއޭ ފަދަ ޖަމާއަތްތަކުން ހިންގާ އެހީ ފޯރުކޮށްދިނުމަށް ސަހްޔޫނީން އެހީތެރިކަން ފޯރުކޮށްދޭން ޖެހޭނެ ކަމަށެވެ. އަދި ޔޫއެންއާރްޑަބްލިއުއޭގެ ގިނަ މުވައްޒަފުންތަކެއް ހަމާސްއާ ގުޅުން އޮންނަ ކަމަށް ސަހްޔޫނީން ބުނާ ބުނުމަށް އެކަށީގެންވާ ހެކި ހުށަހަޅާފައި ނުވާ ކަމަށް ވެސް ކޯޓުން ބުނެފައިވެއެވެ.
ޔޫއެންއާރްޑަބްލިއުއޭ އިން ބުނީ ހަނގުރާމަ ހުއްޓާލުމަކުން އަދި ނުފުދޭނެ ކަމަށާއި ދިރިއުޅުމަށް ކާބޯތަކެއްޗާއި ސާފު ފެނާއި ޓެންޓުތަކާއި އެހެނިހެން ސާމާނު ބޭނުންވާ ކަމަށެވެ. ސަހްޔޫނީންގެ ހުރަސްތަކާއި ހުރެ އެންމެ އެކަށީގެންވާ ގޮތަށް އެހީފޯރުކޮށްނުދެވޭ ކަމަށްވެސް އެމީހުން ބުނެއެވެ.
