ރައީސް އަބްދުالله ޔާމިން އަބްދުލްގައްޔޫމްގެ ފްލައިޓް ގަޑިއާ ދިމާކޮށް ކްރިމިނަލް ކޯޓުން އަޑުއެހުމެއް ތާވަލުކުރުން އެއީ ބޮޑު އިއްތިފާގެއްކަމަށް އަދާލަތު ޕާޓީގެ ރައީސް އިމްރާން އަބްދުالله ވިދާޅުވެއްްޖެއެވެ.
ޝެއިހް އިމްރާން މިފަދައިން ވިދާޅުވީ އެކްސްގައި ކުރެއްވި ޕޯސްޓެއްގައެވެ.
ޝެއިހް އިމްރާން ވިދާޅުވީ މިހާރު ކޯޓުގައި ހިނގާ މިފަދަ ކަންކަމަށް ރައީސް މުއިއްޒު ނުފޫޒު ނުފޯރުވާކަމަށެވެ. އިމްރާން މިފަދައިން އެ ވިދާޅުވީ ރައީސް މުއިއްޒު ކޯޓުތަކަށް ނުފޫޒު ފޯރުވުން ގިނަ ވެފައިވާ ދަނޑިވަޅެއްގައެވެ.
ރައީސް ޔާމީންގެ މައްސަލަ ކްރިމިނަލް ކޯޓުގައި އެންމެ ފުރަތަމަ ތާވަލުކޮށްފައި ވަނީ 26 ވަނަ ދުވަހަށެވެ.
ނަމަވެސް އެދުވަހު ކެންސަލްކޮށް މިއަދަށް އެ މައްސަލަ ތާވަލުކުރީ ރައީސް ޔާމީންގެ ފްލައިޓްގެ ގަޑިއާ ދިމާކޮށެވެ.
ރައީސް ޔާމީން މިއަދު ހއ.ދިއްދޫއަށް ވަޑައިގެންނެވީ ތިލައުތުރު އެވޯޑްސް ޝަރަފުވެރިކޮށްދެއްވުމަށެެވެ.
