ރާއްޖޭގެ އެއްވަނަ ކޮމެޑިއަން ޔޫސުފް ރަފީއު (ޔޫސޭ) ގެ ދިރިއުޅުމަކީ މިއީބާ މި އަހަރުގެ ރޯދަ މަހު ޗެނަލް13 އިން ގެެނެސްދިނުމަށް ހަމަޖެހިއްޖެއެވެ.

މި އަހަރުގެ ރަމަޟާން މަހު ދިރިއުޅުމަކީ މިއީބާގެ އެޕިސޯޑުތައް ގެނެސްދޭނީ ކޮންމެ ހުކުރު ދުވަހުގެ ރޭ 10:30ގައެވެ.

ދިރިއުޅުމަކީ މިއީބާ އަކީ އިޖްތިމާއީ ބޮޑެތި މައްސަލަތަކެއްގެ މައްޗަށް ބިނާކޮށް އުފައްދާ ޕްރޮގްރާމްތަކެކެވެ. ޔޫސޭގެ މިހިދުމަތަކީ ގައުމީ ހިދުމަތެއްގެ ގޮތުގައި ކޮށްދެއްވާކަމެއްކަމަށް އޭނާވަނީ ޗެނަލް13 އަށް މައުލޫމާތު ދެއްވާފަައެވެ. މި ހިދުމަތުގެ ތެރެއިން މުޖުތަމައުގައި އެއިރެއްގައި އިސްލާހު ކުރަންޖެހޭ ކަންތައްތަކަށް އެޑްރެސް ކުރެވިގެން ދާއިރު މިއި ދިވެހިންނަސް ލިބިގެންދާނެ ކުރިއެރުމެއް ކަމަށްވެސް ޔޫސޭ ވިދާޅުވިއެވެ.

ދިރިއުޅުމަކީ މިއީބާ އަކީ ކޮލެޓީ ޕްރޮގްރާމެއްކަމަށާއި އެ އުފެއްދުމަށް ބުރަ މަސައްކަތްތަކެއް ޔޫސޭ ކުރައްވާ، އަދި "ދިރިއުޅުމަކީ މިއީބާ" ގެ އެޕިސޯޑުތައް ދައްކަން ޗެނަލް13 ޚިޔާރު ކުރެއްވީތީ ޗެނަލް13ގެ މެނޭޖުމަންޓުން ޔޫސޭއަށް ވަނީ ޝުކުރު އަދާކޮށްފައެވެ.

ދިރިއުޅުމަކީ މިއީބާގެ 631 އެޕިސޯޑު މިހާތަނަށް ވަނީ އުފައްދައިފައެވެ. ޔޫސޭ ވިދާޅުވީ ކުރީ އަހަރު ތަކާ އަޅައިބަލާއިރު މިއަހަރު ދައްކާ އެޕިސޯޑުތައް ވަރަށް ބޮޑަށް ރަނގަޅުވާނެ ކަމަށެވެ.

46 އަހަރު މެދު ނުކެނޑި ގެނެސްދެމުން ގެންދާ ދިރިއުޅުމަކީ މިއީބާ އަކީ ސިޔާސީ އިޖުތިމާއީ އަދި ކޮމެޑީ ކުލަތަކާއެކު ދައްކާ އުފެއްދުމަކަށްވާއިރު މިއަހަރުވެސް މި ހުރިހާ ރަހައެއް އެކުލެވޭ، ބެލުންތެރިންނަށް ކަމުދާނެފަދަ އެޕިސޯޑުތަކެއް ދައްކާނެ ކަމަށް ޔޫސޭ ވިދާޅުވި އެވެ.