ގިނަ ސްކޭމުތަކެއް ކުންފުނީގެ ނަމުގައި ހިންގަމުންދާތީ ސަމާލުވުމަށް ޝީޝާއިން އެދިއްޖެއެވެ.

ޝީޝާއިން ނެރުނު އިއުލާނެއްގައި ބުނެފައިވަނީ އެކުންފުުނީގެ ނަން ބޭނުންކޮށް، އެކި ނަންނަމުގައި ސޯޝަލް މީޑިޔާ ސްކޭމުތަކެއް ހިންގަމުންދާކަން ސަމާލުކަމަށް އައިސްފައިވާ ކަމަށެވެ.

އެގޮތުން honda.sheesha.maldives@ ގެ ނަމުގައާ hello Fans ފަދަ ނަން ނަމުގައި ފޭސްބުކު ޕޭޖުތަކެއް ހިންގަމުންދާ ކަަމަށާ އެ ފަދަ ޕޭޖަކުން ލިންކެއް ހިއްސާކޮށްފި ނަމަ ޕޭޖުގެ ވެލިޑިޓީ ޗެކުކުރުމަށް ފަހު ރިޕޯޓުކުރުމަށް ވަނީ އެދިފައެވެ.

މީގެ އިތުރުން ޝީޝާއިން ވަނީ އެފަދަ ލިންކެއް ލިބިއްޖެ ނަމަ ޕޭޖުގެ ނަން ކަށަވރުކުރުމަސް އެދިފައެވެ. އެގޮތުން ޝީޝައިން ފޮނުވާ ލިންކެއް ނަމަ އިންނާނީ SheeshaPvtLtd@ ގެ ނަމުގައި ކަމަށް ވެސް ބުނެފައިވެއެވެ.

ޝީޝާއިން މިފަދަ އިއުލާނެއް ނެރެފައިވާއިރު ޓްރފިކު ޕޮލިހުންގެ ނަމުގައިވެސް ސްކޭމުތަކެއް ހިންގަމުން ގެންދާތީ އެ މުއައްސަސާއިން ވެސް ވަނި އެކަމަށް ސަމާލުވުމަށް އެދިފައެވެ.