އިންޑިއާ އިން ކައްކަން ބޭނުން ކުރާ ތެލާއި ޖެޓަށް އަޅަން ބޭނުން ކުރާ ތެލުގެ އަގު ބޮޑުކޮށްފިއެވެ.
މެދުއިރުމަތީގެ ހަނގުރާމައިގެ ސަބަބުން ބައިނަލްއަގްވާމީ އެއާލައިންތަކަށް ވިޔަފާރި އުސޫލުން ފޯރުކޮށްދޭ ލިކުއިފައިޑް ޕެޓްރޯލިއަމް ގޭހާއި ޖެޓް ފިއުލްގެ އަގު ބޮޑުކޮށްފައިވާކަން އިއުލާން ކުރީ މިދިޔަ ހުކުރު ދުވަހުއެވެ.
އިންޑިއާއަކީ ދުނިޔޭގެ އެންމެ އާބާދީ ބޮޑު އެއް ގައުމު ކަމަށްވާއިރު، އިންޑިއާއަކީ ކެއްކުމަށް ބޭނުންކުރާ ތެޔޮ ކަމަށްވާ ލިކުއިފައިޑް ޕެޓްރޯލިއަމް ގޭސް (އެލްޕީޖީ) ގެ ގާތްގަނޑަކަށް 60 އިންސައްތަ އެތެރެކުރާ ގައުމެކެވެ. ވުމާއެކު އެ ގައުމަކީ އެ ހަކަތައަށް ވަރަށް ބޮޑަށް ބަރޯސާވެފައިވާ ގައުމެކެވެ.
ފެބްރުއަރީ މަހުގެ ފަހުކޮޅު މެދުއިރުމަތީގެ ހަނގުރާމަ ފެށުނު ފަހުން ތެޔޮ އެތެރެ ކުރުމަށް ބުރޫ އަރާފައިވާތީ، ގޭބިސީތަކަށާއި އެކި ދާއިރާތަކަށް އެކަށީގެންވާ ގޮތެއްގައި ތެޔޮ ފޯރުކޮށް ދިނުމުގައި އެ ގައުމުން ވަނީ ފިޔަވަޅު އަޅައިފައެވެ.
ސަރުކާރުން ވަނީ އިންޑިއާ އަށް ޖުމްލަ ތެލުގެ ދަތިކަމެއް ކުރިމަތިވެފައި ނުވާ ކަމަށް ބުނާ ވާހަކަތައް ދިފާއުކޮށްފައެވެ.
