ދިވެހިރާއްޖެއާ ޕާކިސްތާނާ ދެމެދު އޮންނަ ގުޅުމަކީ ތާރީޚީ ގޮތުންނާ ޘަގާފީ ގޮތުންވެސް ގާތް ގުޅުމެއް ކަމަށާ އެގުޅުން އެގޮތުގައި ދެމެހެއްޓުމަށް އިތުރު މަސައކްަތްކޮށް ގުޅުން އިތުރަށް ވަރުގަދަ ކުރާނެ ކަަމށް ޕާކިސްތާނުން ރާއްޖެއަށް ކަނޑައަޅުއްވާފައި ހުންނަވާ ސަފީރު ވައިސް އެޑްމިރަލް (ރ) މުޙައްމަދު ފައްޔާޒު ގިލާނީ ވިދާޅުވެއްޖެއެވެ.

"ޕާކިސްތާނު ދުވަހު"ގެ މުނާސަބަތުގައި ރާއްޖޭގައި ހުންނަ ޕާކިސްތާނު ހައިކޮމިޝަންގައި ބޭއްވި ހަފްލާގައި ވާހަކަ ދައްކަވަމުން ޕާކިސްތާނުން ރާއްޖެއަށް ކަނޑައަށް އަޅުއްވާފައި ހުންނަވާ ސަފީރު ވައިސް އެޑްމިރަލް (ރ) މުޙައްމަދު ފައްޔާޒު ގިލާނީ ވަނީ ޤައުމުގެ ބާނީން ޚާއްޞަކޮށް ކުއައިދު-އޭ-އަޒާމް މުޙައްމަދު އަލީ ޖިނާހާއި ޑރ އައްލަމާ މުހައްމަދު އިގްބާލް ޕާކިސްތާން އުފެއްދުމުގައި ދިމާވި ދަތިތަކަށް އަލި އަޅުއްވާލެއްވިއެވެ.

އާންމު އީމާންތެރިކަމާއި ސަގާފަތާއި ތާރީހީ ގުޅުންތަކާއި އެކަކު އަނެކަކަށް އިތުބާރާއި އިހުތިރާމްގެ މައްޗަށް ބިނާވެފައިވާ ޕާކިސްތާނާއި ރާއްޖޭގެ އެކުވެރި ގުޅުމަށް ވެސް ހައި ކޮމިޝަނަރު ވަނީ އަލި އަޅުއްވާފަ އެވެ.

މީގެ އިތުރުން ރާއްޖެ އާ ޕާކިސްތާނުއާ ދޭތެރޭގައި އޮންނަ ގުޅުމަށް އަލި އަޅުވާ ލައްވާ ސަފީރު ވަނީ ކުރިއަށް އޮތް އަހަރުތަކުގައި ޕާކިސްތާނާއި ރާއްޖޭއާ ދެމެދު އޮންނަ ދެގައުމުގެ ގުޅުން އިތުރަށް ބަދަހިވެގެންދާނެ ކަމުގެ ޔަގީންކަން ވެސް ހައިކޮމިޝަނަރު ދެއްވިއެވެ.

ހަފްލާގެ ޝަރަފުވެރި މެހެމާންގެ ހައިސިއްޔަތުން ވާހަކަ ދައްކަވަމުން ޑރ.އައިޝަތު ޝިހާމް، މިނިސްޓަރ އޮފް ސޯޝަލް އެންޑް ފެމިލީ ޑިވެލޮޕްމަންޓް ވަނީ ޕާކިސްތާނުގެ ސަރުކާރަށާއި ރައްޔިތުންނަށް ހެޔޮއެދުންތައް ފޮނުވުމުގެ އިތުރުން ޕާކިސްތާނުގެ "ޕާކިސްތާން ދުވަހު"ގެ ތަހުނިޔާ ރައީސުލްޖުމްހޫރިއްޔާގެ ފަރާތްޕުޅުން އަރިސް ކޮށްފައެވެ..

އެކަމަނާ ވިދާޅުވީ ދެ ގައުމުވެސް ވެސް ގާތް ގުޅުމެއް ބާއްވަމުން އަންނަ ކަމަށް. އަދި ޕާކިސްތާނުން ދެގައުމުގެ ފެންވަރުގައި ދޭ އެއްބާރުލުމާއި އެހީތެރިކަމުގެ އަގުވަޒަން ކުރައްވާއިރު؛ އެކަމަނާ ވިދާޅުވީ ބައިނަލްއަގްވާމީ ފޯރަމްތަކުގައި ވެސް ދެގައުމުގެ ވެސް ރަނގަޅު އެއްބާރުލުން ދެމުންދާ ކަމަށެވެ. އަދި ޕާކިސްތާނާއެކު ދެޤައުމުގެ ގުޅުން އިތުރަށް ބަދަހިކުރުމަށް ރާއްޖޭގެ ސަރުކާރުން ވަޢުދުވާކަންވެސް އެކަމަނާ ފާޅުކުރެއްވިއެވެ.

ޕާކިސްތާން ޑޭ ފާހަގަކުރަނީ، 23 މާރިޗު 1940 ގައި ފާސްކުރި ޤަރާރު "ލާހޯރ ރެޒޮލިއުޝަން" އާ ގުޅިގެން، 23 މާރިޗު 1956 ގައި ޕާކިސްތާނުގައި ފުރަތަމަ ފަހަރަށް ޤާނޫނު އަސާސީއެއް ފާސްކޮށް އަމަލުކުރަން ފެށުމުގެ މުނާސަބަތާ ގުޅުވައިގެންނެވެ.