ޝައިހް އަލީ ޒައިދު، ސަހްޔޫނީންނަށް ވާގިވެރިވާ "ކޮކާ ކޯލާ" ބޯން އިން ފޮޓޯއެއް ދައުރުވެއްޖެއެވެ.

މީސްމީޑިޔާގައި މި ފޮޓޯ ދައުރުވެފައިވާއިރު މި ފޮޓޯ އަކީ ކުރީގެ ފޮޓޯއެއް ކަމަށް ޒައިދު އަންނަނީ ބުނަމުންނެވެ.

ނަމަވެސް ގިނަ ފަރާތްތަކުން އަންނަނީ އެއީ ވަރަށް ފަހުގެ ފޮޓޯއެއް ކަމަށް ބުނެ ޝައިހް ޒައިދަށް ވަރަށް ބޮޑަށް ފާޑުވިދާޅުވަމުންނެވެ.

އިޒްރޭލުން ފަލަސްތީނާއި ދެކޮޅަށް ހިންގަމުންދާ ލާއިންސާނީ އަނިޔާތަކާއި ދެކޮޅަށް ރާއްޖޭގެ ރައްޔިތުން ދަނީ އަބަދުވެސް އަޑު އުފުލާ، ވެވެން އޮތް ގޮތްތަކުން ފަލަސްތީނުގެ ރައްޔިތުންނަށް އެހީތެރިކަން ފޯރުކޮށްދެމުންނެވެ.

އެގޮތުން އިޒްރޭލަށް ވާގިވެރިވާ ކުންފުނިތަކާއި ބްރޭންޑްތައް ބޮއިކޮޓް ކުރުމަށް ދިވެހީން ވެސް އަންނަނީ ގޮވާލާ އިހުތިޖާޖްތައް ވެސް ކުރަމުންނެވެ.