ބޮއިންގްގެ މައްޗަށް ޖިނާއީ ދައުވާ އުފުލުމަށް ޑިޕާޓްމަންޓް އޮފް ޖަސްޓިސް (ޑީއޯޖޭ) އަށް އެމެރިކާގެ ޕްރޮސެކިއުޓަރުން ލަފާދީފިއެވެ.

އެއީ ބޯޓު އުފެއްދާ ކުންފުނިން 346 މީހުން މަރުވި 737 މެކްސް މަތިންދާބޯޓުގައި ހިނގި މަރުގެ ދެ ހާދިސާއާ ގުޅުން ހުރި ސެޓްލްމަންޓަކާ ހިލާފުވެފައިވާ ކަމަށް ޑީއޯޖޭ އިން ބުނުމާ ގުޅިގެންނެވެ.

އެ ކުންފުނީގެ މައްޗަށް ދައުވާ ކުރުމާ މެދު އެންމެ ފަހުގެ ނިންމުމެއް ނިންމުމަށް ޖުލައި މަހުގެ 7 ވަނަ ދުވަހުގެ ނިޔަލަށް ޑީއޯޖޭއަށް ލިބެއެވެ.

މި ރެކޮމެންޑޭޝަނަކީ އެންމެ ފަހުގެ ނިންމުމެއް ނޫން ކަމަށާއި ޖިނާއީ އެއްވެސް އަމަލެއް ހިންގުމުގެ ތަފްސީލެއް އަދި ނޭނގޭ ކަމަށް ސީބީއެސް އިން ބުނެއެވެ.

"މިއީ އަންނަން އޮތް ވަރަށް މުހިންމު ނިންމުމެއް،" ފައުންޑޭޝަން ފޯ އޭވިއޭޝަން ސޭފްޓީގެ އެގްޒެކެޓިވް ޑިރެކްޓަރު އަދި ބޮއިންގްގެ ކުރީގެ ސީނިއާ މެނޭޖަރެއް ކަމަށްވާ އެޑް ޕިއާސަން ބުންޏެވެ.

ބީބީސީގެ ރޭޑިއޯ 4 ޓުޑޭ ޕްރޮގްރާމްގައި އޭނާ ބުނީ "މި މަތިންދާބޯޓުތަކުގައި މައްސަލަތަކެއް އެބަހުރި. އަޅުގަނޑުމެންނަށް މި މަތިންދާބޯޓުތަކުގައި މައްސަލަތައް ފެންނަމުންދާ ކަމަށާއި އަޅުގަނޑު މިދައްކަނީ 737 މެކްސް، 787 ގެ ވާހަކަ ކަމަށާއި އެއީ ލީޑަޝިޕްގެ ނާގާބިލުކަން ދައްކުވައިދޭ ކަމެއް" ކަމަށެވެ.

މި ދެ ބޮއިންގް 737 މެކްސް މަތިންދާބޯޓުތައް ވެއްޓުނީ ފުރަތަމަ ބޯޓު ވެއްޓުނުތާ 6 މަސް ތެރޭގައެވެ.

އިންޑޮނޭޝިއާގެ ލަޔަން އެއާ ބޯޓު ވެއްޓިފައިވަނީ 2018 ވަނަ އަހަރުގެ އޮކްޓޯބަރު މަހުއެވެ. އޭގެ ފަހުން 2019 ވަނަ އަހަރުގެ މާޗް މަހު އިތިއޮޕިއަން އެއާލައިންސްގެ ފްލައިޓެއް ވެސް ވެއްޓިފައިވެއެވެ.

މިދިޔަ ހަފްތާގައި ޝިކާރައަކަށް ވެފައިވާ މީހުންގެ ގާތްތިމާގެ މީހުން ވަނީ ބޮއިންގް 25 ބިލިއަން ޑޮލަރުން ޖޫރިމަނާ ކުރުމަށާއި ޖިނާއީ ދައުވާއެއް ކުރިއަށް ގެންދިއުމަށް ޕްރޮސެކިއުޓަރުންނަށް އިލްތިމާސްކޮށްފައެވެ.

2021 ވަނަ އަހަރު ވެފައިވާ އެއްބަސްވުމުގެ ދަށުން 2.5 ބިލިއަން ޑޮލަރުގެ ސެޓްލްމަންޓެއް ދޭނެ ކަމަށް ބޮއިންގް އިން ބުނި އިރު، ފަސްކުރި ޕްރޮސެކިއުޝަން އެއްބަސްވުމުގައި ބަޔާންކޮށްފައިވާ ބައެއް ޝަރުތުތަކާ އެއްގޮތަށް އެ ކުންފުނިން އަމަލުކޮށްފި ނަމަ ތިން އަހަރަށް ފަހު ޖިނާއީ ދައުވާ އެއް ބާތިލްކޮށްދިނުމަށް ކޯޓުގައި އެދުމަށް ޕްރޮސެކިއުޓަރުން ވަނީ އެއްބަސްވެފައެވެ.

އެކަމަކު މިދިޔަ މަހު ޑީއޯޖޭ އިން ބުނެފައި ވަނީ ބޮއިންގުން ވަނީ އެ އެއްބަސްވުމާ ހިލާފުވެފަކަމަށެވެ.