އިންޓަނޭޝަނަލް ސްޕޭސް ސްޓޭޝަން ވައްޓާލުމަށް ނާސާއިން ބިލިއަނަރު އީލޮން މަސްކްގެ ސްޕޭސްއެކްސް ހޮވައިފިއެވެ.
ކެލިފޯނިއާގައި ހުންނަ އެ ކުންފުނިން 2030ގެ އަހަރުތަކުގެ ކުރީކޮޅު 430 ޓަނުގެ އޯބިޓިން ޕްލެޓްފޯމް ޕެސިފިކް ކަނޑަށް ކޮއްޕާލުމުގެ ގާބިލްކަން ހުރި އުޅަނދެއް އުފައްދަން ވަނީ ހަމަޖެހިފައެވެ.
843 މިލިއަން ޑޮލަރުގެ އަގުހުރި މި މަސައްކަތުގެ ކޮންޓްރެކްޓެއް އިއުލާންކޮށްފައި ވަނީ މިދިޔަ ބުދަ ދުވަހުއެވެ.
ޖައްވީ ސްޓޭޝަންގެ ފުރަތަމަ ބައިތައް 1998 ވަނަ އަހަރު ފޮނުވާލިއިރު، 2000 ވަނަ އަހަރު މެދުނުކެނޑި ފަޅުވެރިންގެ އޮޕަރޭޝަންތައް ފެށިއެވެ.
400 ކިލޯމީޓަރު އުސްމިނެއްގައި ކޮންމެ 90 މިނެޓަކުން ދުނިޔެ ވަށައިގެން ދައުރުވާ މި ސްޓޭޝަނަކީ އިންސާނުންގެ މުސްކުޅިވުމުގެ ޕްރޮސެސްއިން ފެށިގެން އާ ބާވަތްތަކުގެ ތަކެތީގެ ފޯމިއުލާއާ ހަމައަށް އެތައް ހާސް ސައިންޓިފިކް ތަހުލީލުތައް ކޮށްފައިވާ ސްޓޭޝަނެކެވެ.
އައިއެސްއެސްގެ މަޝްރޫއު ލީޑްކުރަނީ އެމެރިކާއާއި ރަޝިޔާއިންނެވެ. ޔޫރަޕާއި ކެނެޑާ އަދި ޖަޕާނުން ސަޕޯޓިން ރޯލްތައް ކުޅެއެވެ. ހުޅަނގުގެ ބައިވެރިން ވެސް ވަނީ 2030 ވަނަ އަހަރުގެ ނިޔަލަށް ސްޓޭޝަނަށް ފައިސާ ހޯދުމަށް އެއްބަސްވެފަ އެވެ؛ ރަޝިޔާއިން ބުނާ ގޮތުގައި އެގައުމުގެ ބައިވެރިވުން މަދުވެގެން 2028 ވަނަ އަހަރާ ހަމައަށް ދިގުދެމިގެންދާނެއެވެ.
