ޢައްޒާއަށް އިސްރާއީލުން ދެމުންދާ ހަމަލާތަކުގައި އަލްޖަޒީރާގެ ދެ ނޫސްވެރިޔަކު ޝަހީދުކޮށްލާފައިވާކަމުގައި އެނޫހުން ހާމަކޮށްފިއެވެ.
އިސްރާއީލުގެ ހަމަލާތަކުގައި ޝަހީދުވެފައިވަނީ، އަލްޖަޒީރާ އަރަބި ބަހުގެ ނޫސްވެރިޔާ އިސްމާއިލް އަލް ޣޫލް އާއި އޭނާގެ ކެމެރާމަން ރާމީ އަލް ރިފީކަމުގައި އަލް ޖަޒިރާއިން ބުނެފައިވެއެވެ.
އިސްރާއިލުން އެންމެ ފަހުން ދިން ނުރައްކާތެރި ހަމަލާގެ ކުރިންވެސް، އިސްރާއީލުން ޣައްޒާއާ ދެކޮޅަށް ކުރަމުންދާ ހަނގުރާމައަކީ ނޫސްވެރިންނަށާއި މީޑިއާތަކުގައި މަސައްކަތް ކުރާ މީހުންނަށް ކުރިމަތިވި އެންމެ ނުރައްކާތެރި ހަމަނުޖެހުންކަމަށް މިހާރުވަނީ ބެލެވިފައެވެ.
ހަނގުރާމަ ފެށި ފަހުން ޖުލައި މަހުގެ ފަސް ވަނަ ދުވަހުގެ ނިޔަލަށް މަރުވި މީޑިއާ ވޯކަރުންގެ އަދަދު 108 އަށް އަރާއިރު، މިއީ 1992 ވަނަ އަހަރު އެ ޖަމާއަތުން ޑޭޓާ އެއްކުރަން ފެށި ފަހުން އައި އެންމެ ނުރައްކާތެރި ދުވަސްތައް ކަމަށް ނިއުޔޯކްގައި ހުންނަ ކޮމެޓީ ޓު ޕްރޮޓެކްޓް ޖާނަލިސްޓުން ވަނީ ހާމަކޮށްފައެވެ.
