ރައީސް މުހައްމަދު މުއިއްޒުގެ ސިޔާސަތަށް ތާއީދުނުކުރާ މީހުންނަށް ވަޒީފާތަކުގައި ނުތިބެވޭނެކަމުގެ އިންޒާރު މަޑަވެލި ދާއިރާ މެމްބަރު މުހައްމަދު ޝަމީޒު ދީފިއެވެ.
އޭނާ މިފަދަ އިންޒާރެއް ދީފައިވަނީ ފޭސްބުކްގައި ކުރެއްވި ޕޯސްޓެއްގައެވެ. އެގޮތުން ޕީއެންސީއަށް މެމްބަރުން އިތުރުކުރުމަށް މިހާރު ކުރިއަށް ގެންދާ މެމްބަރޝިޕު ޑްރައިވްގައި އެ ދާއިރާއިން މީހުން އިތުރު ކުރުމަށް ސަރުކާރުގެ މަގާމުތަކުގައި ތިބި ދާއިރާގެ ބައެއް މީހުންނާ ބައްދަލުކުރުމަށް ފަހުއެވެ.
އެގޮތުން އެ ބައްދަލުވުމުގައި ބައިވެރި ޖެންޑަރ މިނިސްތްރީގެ ޑެޕިއުޓީ މިނިސްޓަރު ހަސްމާ ހަސަން ފޭސްބުކުގައި ކުރެްވި ޕޯސްޓެއް ޝެއަރ ކުރައްވާ ޝަމީޒު ވިދާޅުވީ، ބައެއް މީހުން ބޭނުންވަނީ ވަޒީފާ ކަމަށާ ނަަމަވެސް ރައީސް މުއިއްޒުގެ ސިޔާސަތުތަކަް ތާއީދުކޮށް ޕްރޮމޯޓުކުރަން އެ ބަޔަކު ބޭނުންނުވާ ކަމަށެވެ.
އެހެން އެކަން ނުވާނެ ކަމަށާ ރައީސް މުއިއްޒުގެ ސިޔާސަތުތަކަށް ތާއީދުކޮށް ސަރުކާރު ޕްރޮމޯޓުނުކުރާނަމަ ވަޒީފާތަކުން ކަނޑާލާނެ ކަމުގެ އިންޒާރު ޝަމީޒުވަނީ ރައްޔިތުންނަށް ދީފައެވެ.
