ޕަޕުއާގެ ޔާޕެން އައިލެންޑްސް ރިޖެންސީގެ އެއާޕޯޓެއްގައި ފްލައިޓެއް ޖައްސަން އުޅުމުގެ ތެރޭގައި ރަންވޭއިން ކަހާލައިގެން ވެއްޓި ގިނަ ބަޔަކަށް އަނިޔާވެއްޖެއެވެ.

ރިޕޯޓްތަކުން ބުނާ ގޮތުގައި ޓްރިގަނާ އެއަރގެ އޭޓީއާރު-42 މަތިންދާބޯޓު މިއަދު ހެނދުނު ޕަޕުއާގެ ވެރިރަށް ޖަޔާޕޫރާއަށް ދަތުރުކުރަމުން ދަނިކޮށް ރަންވޭއިން ބޭރަށް ކަހާލިއިރު، އެފްލައިޓުގައި ތުއްތު ކުއްޖަކު ހިމެނޭ ގޮތަށް 42 ފަސިންޖަރުންނާއި 6 ފަޅުވެރިން ދަތުރުކޮށްފައިވެއެވެ.

އެ ގައުމުގެ ފުލުހުން ރިޕޯޓް ކޮށްފައިވާ ގޮތުގައި މި ހާދިސާގައި އެއްވެސް މީހެއް މިހާތަނަށް މަރުވެފައި ނުވެއެވެ.

މީގެ އިތުރުން، މި ހާދިސާއާ ގުޅިގެން ތަޙްޤީޤު ކުރިއަށްދާ ކަމަށާއި، ކަމާ ގުޅޭ ފަރާތްތަކާ ވާހަކަދައްކައިގެން މިފަދަ ހާދިސާތައް ތަކުރާރުވިޔަ ނުދިނުމަށް މަސައްކަތްކުރާނެ ކަމަށް ފުލުހުން ވަނީ ވިދާޅުވެފައެވެ.