ދުނިޔޭގެ ސިއްހަތު ޖަމިއްޔާ (ޑަބްލިވްއެޗްއޯ)އިން ހާމަކޮށްފައިވާ ގޮތުގައި ފަލަސްތީނުގެ 10 އަހަރުން ދަށުގެ 560،000 އަށްވުރެ ގިނަ ކުދިންނަށް ޕޯލިއޯ ވެކްސިންގެ ފުރަތަމަ ދެ ޑޯޒް ދީފިއެވެ.

ސަހްޔޫނީން ފަލަސްތީނާއި ދެކޮޅަށް ހިންގަމުންދާ ގަތުލުއާންމުގެ ސަބަބުން ފެނާއި ނަރުދަމާގެ ނިޒާމަށް ގެއްލުންތައް ލިބި ޕޯލިއޯ މުޅި ޣައްޒާގައި ދަނީ ފެތުރެމުންނެވެ.

އދގެ އެޖެންސީ (ޔޫއެންއާރްޑަބްލިވް)އިން ބުނީ ވެކްސިން ކެމްޕެއިންގެ ފުރަތަމަ މަރުހަލާގައި ޓާގެޓް ކުރި %90 ފުރިހަމަ ވެފައިވާ ކަަމަށެވެ. އަދި ވެކްސިން ދިނުމުގެ ދެވަނަ މަރުހަލާ ކުރިއަށް އޮތް 4 ހަފްތާ ތެރޭގައި ފަށާނެ ކަަމަށްވެސް ބުނެފައި ވެއެވެ.

މި ވެކްސިން ކެމްޕެއިން ކުރިއަށް ގެންގޮސްފައި ވަނީ ވަކި ވަގުތަކަކަށް ހަނގުރާމަ ވަގުތީ ގޮތުން މެދުކަނޑައިލަން ސަހްޔޫނީން އެއްބަސްވެގެން ކަމަށް މައުލޫމާތު ލިބިފައިވެއެވެ.

މި ބަލި އެންމެ ފުރަތަމަ ޖެހިގެން ރިޕޯޓްކޮށްފައިވަނީ ފާއިތުވި އޯގަސްޓް މަހުގެ ތެރޭގައި 11 މަހުގެ ކުއްޖަކަށެވެ.

ޕޯލިއޯގެ ނުރައްކާ އާއްމުކޮށް ބޮޑީ އުމުރުން ފަސް އަހަރުން ދަށުގެ ކުދިންނެވެ. މި ބަލީގެ ސަބަބުން މަރުގެ ޕެރެލައިޒްވުމާއި، މަރުވުންވެސް ގާތެވެ. މި ބައްޔަށް ފަރުވާއެއް ނެތްއިރު، މި ބައްޔަށް ރައްކާތެރރިވެވޭނީ ވެކްސިން ޖަހައިގެންނެވެ.