ސަހްޔޫނީން ޣައްޒާގެ މުސްލިމުން، ގަސްދުގައި އަނިޔާކޮށް ހައްދެއްނެތި މަރަމުންދާ އިރު މަދަދާއި ހަތިޔާރު ފޮނުވާއި މަދަދުވެރިވާ އެމެރިކާގެ ފުލޮރިޑާއަށް އަލިފާނުގެ ތޫފާނެއް އަރައިފިއެވެ.
ކެޓަގަރީ ތިނެއްގެ ތޫފާނެއްގެ ގޮތުގައި ތޫފާން މިލްޓަން އަރާފައިވަނީ އިއްޔެ ރޭ 8:30 ހާއިރު ސަރަސޯޓާ ކައިރީގައި އޮންނަ ބެރިއާ އައިލެންޑެއް ކަމަށްވާ ފްލޮރިޑާގެ ސިއެސްޓާ ކީ ކައިރިންނެވެ.
ނޭޝަނަލް ހަރިކޭން ސެންޓަރުން ބުނީ ތޫފާން މިލްޓަން މިއަދު ހެނދުނު މޫދަށް އެރުމާ އެކު އިންޒާރުތަކާއި އެލާޓްތައް ދަށްކޮށްފައިވާ ކަމަށެވެ.
ފްލޮރިޑާގެ އެޓްލާންޓިކް އައްސޭރިފަށުގައި އޮންނަ ސެއިންޓް ލޫސީ ކައުންޓީގައި ހަތަރު މީހަކު މަރުވެފައިވާކަމަށް މައުލޫމާތު ލިބިފައިވެއެވެ.
މި ހާދިސާއަކީ މުސްލިމުން ނަމާދުތަކުގަޔާއި ކޮންމެ ހުކުރު ޚުތްބާއެއްގައި އެކުރަމުންދާ ދުއާތަކުގެ ކޯފާއެއްތޯ ސަހްޔޫނީންވެސް ސުވާލު އުފައްދަމުންދާ ކަމަށް ބޭރުގެ މީޑިޔާތަކުން ރިޕޯޓްކޮށްފައިވެއެވެ.
އެމެރިކާ އަކީ ސަހްޔޫނީން ފަލަސްތީނާއި ދެކޮޅަށް ހިންގަމުންދާ ގަތުލުއާންމުގައި އެގައުމަށް އެންމެ ބޮޑަށް ވާގިވެރިވާ އެއް ގައުމެވެ.
