Sahyooneenge Askariyyaa In Lebanon Ge 22 Avashakah Hamalaa Dheyn Inzaaru Dheefi

ސަހްޔޫނީންގެ އަސްކަރިއްޔާއިން ލުބުނާނުގެ ދެކުނުގެ އިތުރު 22 އަވަށަކަށް ހަމަލާދޭނެ ކަމުގެ އިންޒާރު ދީފިއެވެ.

މި އަވަށްތަކުގެ ރައްޔިތުން ވަގުތުން ހުސްކުރުމަށް ގޮވާލާފައިވާއިރު، މި ސަރަހައްދުތައް ހުސްނުކޮށްފިނަމަ ހަމަލާތަކުގައި މަރުވުމުގެ ނުރައްކާ އޮތްކަމަށް ސަހްޔޫނީން ބުނެފައިވާކަމަށް ރިޕޯޓްތަކުން ބުނެފައިވެއެވެ.

އައިތާ އަލް ޝާބް، ރަމްޔާ އަދި ހަނީން ފަދަ ގިނަ އަވަށްތަކަށް ސަހްޔޫނީންގެ ހަނގުރާމަމަތީ ޖެޓުތަކާއި ޑްރޯންތަކުން މިހާރުވެސް ވަނީ ބޮޑެތި ބޮމުގެ ހަމަލާތަކެއް ދީފައެވެ.

ސަހްޔޫނީން ލުބްނާން އަށް ދެމުން އަންނަ ހަމަލާތަކުގައި މިހާތަނަށް ގިނަ އަދަދެއްގެ ބަޔަކު ވަނީ ޝަހީދުވެފައެވެ. ރިޕޯޓްތަކުން ހާމަވާ ގޮތުގައި މިހާތަނަށް 2000 އެއްހާ މީހުން ވަނީ ޝަހީދުވެ އެތައް ބަޔަކު ޒަޚަމްވެ ގެދޮރު ގެއްލިފައެވެ.