ނައިޖީރިއާގެ ހުޅަނގު އުތުރުގައި ފިއުލް ޓޭންކަރެއް ގޮވައިގެން މަރުވި 150 އަށް ވުރެ ގިނަ މީހުންގެ ޖަނާޒާތައް ކުރިއަށްދާއިރު، ގިނަ ބަޔަކު މަރުވެފައި ވަނީ މަގުމައްޗަށް ފޭބި ޕެޓްރޯލް އެއްކުރަން އުޅުމުގެ ތެރޭގައި ކަމަށް މައުލޫމާތު ލިބިފައިވެއެވެ.
އަބޫޖާއިން ރިޕޯޓް ކުރަމުން އަލްޖަޒީރާގެ އަހުމަދު އިދުރީސް ބުރާސްފަތި ދުވަހު ވިދާޅުވީ ކާރިސާގައި މަރުވި މީހުންގެ އަދަދު 157 އަށް އަރާފައިވާ ކަމަށާއި ޖިގާވާ ސްޓޭޓްގެ ސިއްހީ ހިދުމަތްތެރިން ބުނީ 100 އަށް ވުރެ ގިނަ މީހުންނަށް ހޮސްޕިޓަލްތަކުގައި ފަރުވާ ދެމުންދާ ކަމަށެވެ.
ފުލުހުންގެ ތަރުޖަމާނު ލަވާން ޝިއިސޫ އާދަމް ވިދާޅުވީ ގަދީމީ ސިޓީ ކާނޯ އިން އުތުރުގެ ޔޯބޭ ސްޓޭޓަށް ދަތުރުކުރަމުން ދަނިކޮށް ވެރިރަށް އަބޫޖާގެ އުތުރުން ގާތްގަނޑަކަށް 530 ކިލޯމީޓަރު ދުރުގައި އޮންނަ މަޖިޔާ ޓައުން ކައިރިން ޓޭންކަރުގެ ކޮންޓްރޯލް ގެއްލިގެން ދިޔަ ކަމަށެވެ.
