ސަހްޔޫނީންގެ އަސްކަރިއްޔާއިން ލުބްނާނަށް ދިން ހަމަލާއެއްގައި ލުބުނާނުގެ ތިން ނޫސްވެރިއަކު ޝަހީދުވެއްޖެއެވެ.
މި ހަމަލާ ދިން އިރު އެ ނޫސްވެރިން ތިބީ އެމީހުންގެ އެކަމޮޑޭޝަންގައި ނިދާފައި ކަމަށް ރިޕޯޓްކޮށްފައިވެއެވެ.
މީގެ އިތުރުން، ރޭ ފަތިހު 4:00 އެހާކަންހާއިރު ހަސްބައިއްޔާގެ ގިނަ ނޫސްވެރިން ތަކެއް ދިރިއުޅޭ ކޮމްޕައުންޑަށް ދިން މި ވައިގެ ހަމަލާގައި ދެ ކެމެރާމަނަކާއި ޓެކްނީޝަނަކުވެސް ވަނީ ޝަހީދުވެފައެވެ.
ޕެން އަރަބް ޓީވީ ޗެނަލުން ބުނީ ޝަހީދުވެފައިވަނީ ކެމެރާމަން ޣައްސާން ނައްޖާރާއި އަލް މަޔާދީންގައި މަސައްކަތް ކުރާ އިންޖިނިއަރު މުހައްމަދު ރެދާ ކަމަށެވެ. ހިޒްބުاللهއާ ގުޅިފައިވާ އަލް މަނާރު ޓީވީން ބުނީ އެ ޓީވީގެ ކެމެރާ އޮޕަރޭޓަރު ވިސާމް ޤާސިމް ވެސް ޝަހީދުވެފައިވާ ކަމަށެވެ.
އެ ސަރަހައްދުގައި ތިބި އާންމުން ބުނެފައިވާ ގޮތުގައި އެ މީހުން ނިދާފައި އޮތް އެކަމޮޑޭޝަން އަށް ސީދާ ހަމަލާ އަމާޒުކޮށްފައިވާ ކަމަށެވެ.
