ތޫފާން ޓްރާމީގައި ފިލިޕީންސް އިން މަރުވި މީހުންގެ އަދަދު 100 އަށް އަރާފައިވާ ކަމަށް އެ ގައުމުން ރިޕޯޓްކޮށްފިއެވެ.

ފިލިޕީންސްގެ ސަލާމަތީ ފަރާތްތަކުން ދަނީ ލޭކަކަށް ފީނައިގެންގެއްލިފައިވާ މީހުންތައް ހޯދުމަށް ކަމަށް އެ ގައުމުން ބުނެއެވެ.

މެނިލާގެ ދެކުނުގައި އޮންނަ ބަޓަންގާސް ޕްރޮވިންސްގައި މިއަދުގެ ނިޔަލަށް މަރުވި މީހުންގެ އަދަދު 55 އަށް އަރާފައިވާ ކަމަށް ޕްރޮވިންސްގެ ޕޮލިސް ޗީފް ޖެސިންޓޯ މަލިނާއޯ އޭއެފްޕީ ނިއުސް އެޖެންސީއަށް މައުލޫމާތު ދީފައިވެއެވެ.

ފިލިޕީންސްއަށް ކުރިމަތިވި މި ތޫފާނަކީ ދެކުނު އިރުމަތީ އޭޝިއާގެ ގައުމަށް މި އަހަރު އައި އެންމެ ނުރައްކާތެރި ތޫފާންތަކުގެ ތެރޭގައި ހިމެނޭ ތޫފާނެވެ.

މި ތޫފާނުގެ ސަބަބުން ބައި މިލިއަނަށް ވުރެ ގިނަ މީހުން ގެދޮރު ދޫކޮށް ދާން ޖެހުނު ކަމަށާއި އިތުރު 36 މީހަކު ގެއްލިފައިވާ ކަމަށް ގައުމީ ކާރިސާތަކާ ބެހޭ އިދާރާއިން ބުނެ އެވެ.