މޮޒަމްބިކްގައި ރިޔާސީ އިންތިޚާބާ ދިމާކޮށް އިދިކޮޅުން ގާތްގަނޑަކަށް ތިން ހަފުތާއެއްހާ ދުވަސް ވަންދެން ހިންގި ހަމަނުޖެހުންތަކުގައި 30 މީހުން މަރުވެފައިވާ ކަމަށް ހިއުމަން ރައިޓްސް ވޮޗް (އެޗްއާރުޑަބްލިއު) އިން ބުނެފި އެވެ.

މި އަދަދުތަކުގެ ތެރޭގައި މިދިޔަ ބުރާސްފަތި ދުވަހު ވެރިރަށް މަޕޫޓޯގައި މުޒާހަރާކުރި އެތައް ހާސް ބަޔަކު ފުލުހުންނާއި ސިފައިން ރޫޅާލުމުން ހިނގި ހަމަނުޖެހުންތަކުގެ މީހުންގެ އަދަދު ހިމަނާފައެއް ނުވެއެވެ.

މޮޒަމްބިކްގެ ސެންޓާ ފޯ ޑިމޮކްރަސީ އެންޑް ހިއުމަން ރައިޓްސް އިން ވަނީ ޖުމްލަ 34 މީހުން މަރުވެފައި ކަމަށް ރިޕޯޓްކޮށްފައެވެ.

މީގެ 49 އަހަރު ކުރިން ދެކުނު އެފްރިކާގެ ގައުމު ޕޯޗުގަލްގެ ކިބައިން މިނިވަންވި ފަހުން ވެރިކަމުގައި އޮތް ވެރިކަން ކުރާ ފްރެލިމޯ ޕާޓީ އަށް 70 ޕަސެންޓަށް ވުރެ ގިނަ ވޯޓާއެކު އިންތިހާބު ކާމިޔާބު ކުރިކަން އިއުލާންކުރީ މިދިޔަ އޮކްޓޯބަރު މަހުގެ 24 ވަނަ ދުވަހު އެވެ.

އިދިކޮޅު ޖަމާއަތްތަކާއި އޮބްޒާވަރުން ބުނަނީ އޮކްޓޯބަރު މަހު ބޭއްވި އިންތިހާބަކީ ބޭއިންސާފު އަދި އޮޅުވާލާފައިވާ އިންތިހާބެއް ކަމަށާއި އެކަމުގެ ސަބަބުން ކަމާބެހޭ ފަރާތްތަކުން ހަރުކަށި ފިޔަވަޅުތަކެއް އެޅި މުޒާހަރާތަކުގައި އެތައް ހާސް ބަޔަކު ބައިވެރިވި ކަމަށެވެ.