ސަހްޔޫނީން ހުއްޓުމެއްނެތި ދެމުން އަންނަ ހަމަލާތަކުގެ ސަބަބުން ލުބްނާނުން އެ ގައުމަށް ޑްރޯން ހަމަލާތަކެއް ދީފިއެވެ.

ސަހްޔޫނީންގެ އަސްކަރިއްޔާއިން ބުނެފައިވާ ގޮތުގައި، ލުބުނާނުން ފޮނުވާލި ޑްރޯންތަކެއް އެގައުމުގެ ވައިގެ ސަރަހައްދަށް ވަދެފައިވެއެވެ. ވައިގެ ސަރަހައްދަށް ވަދެފައިވާ ބައެއް ޑްރޯންތައް، ވައިގެ ދިފާއީ ނިޒާމުން ހުއްޓުވާފައިވާއިރު، އަނެއް ބައި ޑްރޯންތައް ބައެއް ސަރަހައްދުތަކަށް ވެއްޓުނު ކަމަށް އެގައުމުން ވަނީ ބުނެފައެވެ.

ސަހްޔޫނީންނާއި ދެކޮޅަށް މީގެ ކުރިން ވެސް ހިޒްބުﷲއާއި ހަމާސް އިން ވަނީ ވަރުގަދަ ހަމަލާތަކެއް ދީފައެވެ. މި ފަދަ ހަމަލާތަކުގައި އިސްރާއީލުގެ ގިނަ ބަޔަކު މަރާލެވިފައިވާ ކަމަށް މި ދެ ޖަމާއަތުން ބުނި ނަމަވެސް، ސަހްޔޫނީން އެކަން ދޮގު ކުރެއެވެ.

އެގޮތުން އެގައުމުން ބުނެފައިވަނީ މިދިޔަ އަހަރުގެ އޮކްޓޯބަރު މަހުގެ 7 ވަނަ ދުވަހުން ފެށިގެން ދެމުން އަންނަ ހަމަލާތަކުގައި މަރާލެވިފައިވަނި 1800 އެއްހާ މީހުން ކަމަށެވެ.