ފަލަސްތީނުގެ ގިނަ ރައްޔިތުންތަކަކަށް ކާން ދިނުމުގައި އުޅޭ މަޝްހޫރު "ކައްކާއެއް" ކަމަށްވާ މަހްމޫދު އަލްމާދޫން ޝަހީދުކޮށްލައިފި އެވެ.

މި ހަމަލާއަކީ ސީދާ މަހްމޫދަށް އަމާޒުކޮށްގެން ދިން ހަމަލާއެއް ކަމަށް މަންޒަރު ދުށް މީހުން މައުލޫމާތު ހާމަކޮށްފައިވެއެވެ.

މަހްމޫދު ޝަހީދުކޮށްލީ ޣައްޒާގެ ކަމާލް އަދުވާން ހޮސްޕިޓަލްގައި ތިބި މީހުންނަށް ބޭނުންވާ ކާބޯތަކެތި ފޯރުކޮށްދޭތީ ސަހްޔޫނީންނަށް އެކަން ހަޖަމް ނުވެގެން ކަމަށްވެސް ޣައްޒާގެ މީޑިޔާތަކުން ހާމަކުރެއެވެ.

އޮކްޓޯބަރު މަހުގެ 6 ވަނަ ދުވަހުން ފެށިގެން ސަހްޔޫނީންގެ ސިފައިން ދަނީ ޣައްޒާގެ އުތުރުގެ ސަރަހައްދުތައް ވަށާލައި، ކާބޯތަކެއްޗާއި ފެނާއި ބޭސް ވެއްދުން ހުއްޓުވައި، ކަމާލް އަދްވާން ހޮސްޕިޓަލަށް ހަމަލާތައް ވެސް ދެމުންނެވެ.

މަހްމޫދު ޝަހީދުވިއިރު ހަތް ކުދިން ތިބި އިރު އޭގެ ތެރޭގައި ދެ ހަފުތާގެ ތުއްތު ކުއްޖަކު ވެސް ހިމެނެއެވެ.