ގާނާގެ ކުރީގެ ރައީސް ޖޯން ޑްރަމާނީ މަހާމާ އެ ގައުމުގެ ރިޔާސީ އިންތިހާބު ކާމިޔާބު ކުރައްވައިފިއެވެ.

ޑްރަމާނީ އިންތިޚާބު ކާމިޔާބު ކުރެއްވީ އޭނާގެ އެންމެ ބޮޑު ވާދަވެރިޔާ ނައިބު ރައީސް މަހާމުދު ބަވޫމިއާ އާއި ވާދަކޮށްގެންނެވެ.

ހޮނިހިރު ދުވަހު ބޭއްވި އިންތިޚާބު ކާމިޔާބު ކުރައްވާފައިވާއިރު، މިއީ ފާއިތުވި އަހަރުތަކުގައި ގާނާއަށް ކުރިމަތިވި އެންމެ ބޮޑު އިގްތިސާދީ ކާރިސާގެ ތެރޭގައި އިންފްލޭޝަން މަތިވެ ދަރަނި ނުދެއްކުމުގެ ސަބަބުން ރައްޔިތުން އެދި އެދި ތިބި ބަދަލެއްކަމަށް ބެލެވެއެވެ.

ބަވޫމިއާ ވިދާޅުވީ ނޭޝަނަލް ޑިމޮކްރެޓިކް ކޮންގްރެސް (އެންޑީސީ)ގެ މަހާމާއަށް މަރުހަބާ ދަންނަވާފައިވާ ކަމަށެވެ.

އެންޑީސީގެ ތަރުޖަމާނު ސެމީ ގިޔަމްފީ ނޫސްވެރިންނާ ވާހަކަ ދައްކަވަމުން ވިދާޅުވީ ނަތީޖާ ރިވިއު ކުރުމުން މަހާމާ އަށް 56.3 ޕަސެންޓް ވޯޓު ލިބިފައިވާ އިރު ބަވޫމިއާ އަށް ލިބިފައިވަނީ 41.3 ޕަސެންޓް ވޯޓެވެ.