ސަހްޔޫނީން ބަންދުކޮށްފައިވާ ފަލަސްތީނުގެ 183 ގައިދީންގެ ބަދަލުގައި ޣައްޒާގައި ބަންދުކޮށްފައި ތިބި ސަހްޔޫނީ 3 އަސީރުން ދޫކޮށްލުމަށް ހަމާސް އިން ތައްޔާރުވަމުން އަންނަކަން ހާމަވެއްޖެއެވެ.

އަސީރުންނާއި ގައިދީން ބަދަލު ކުރާނީ ހޮނިހިރު ދުވަހުގެ ހެނދުނުގެ ވަގުތެއްގައެވެ.

އެމެރިކާގެ ރައީސް ޑޮނަލްޑް ޓްރަމްޕް ފަލަސްތީނުގެ ރައްޔިތުން އެ އެންކްލޭވް އިން ގަދަކަމުން ފޮނުވާލުމަށް ހުށަހެޅުއްވި އިރު، މިއީ ޣައްޒާގައި ހަނގުރާމަ ހުއްޓާލުމުގެ އެއްބަސްވުމުގެ ދަށުން މިހާތަނަށް ކުރެވުނު ފަސް ވަނަ ބަދަލުވުމެވެ.

ހަމާސް އާއި ސަހްޔޫނީން ކަށަވަރުކޮށްދީފައިވާ ގޮތުގައި މާޗް މަހުގެ ކުރީކޮޅު ކުރިއަށްދާ ހަނގުރާމައިގެ އެއްބަސްވުމުގެ ފުރަތަމަ މަރުހަލާގެ ދަށުން އާންމު ތިން މީހަކު ކަމަށްވާ އެލީ ޝަރަބީ، އޮރް ލެވީ، އަދި އޮހަދު ބެން އަމީ، ހޮނިހިރު ދުވަހު ދޫކޮށްލާނެ އެވެ.

ދޫކޮށްލުމުގެ ކުރިން އަސީރުން ރެޑްކްރޮސްގެ ބައިނަލްއަގްވާމީ ކޮމިޓީއާ ހަވާލުކުރާނެ އެވެ. އަދި އަލްޖަޒީރާއިން ނަގާފައިވާ ފޫޓޭޖްތަކުން ފެންނަ ގޮތުގައި ހަމާސްގެ ހަނގުރާމަވެރިން އެތަނަށް އެއްވެފައި ތިއްބެވެ.

އިސްރާއީލުން ހަމަ އެދުވަހު 20 އަހަރާއި 61 އަހަރާ ދެމެދުގެ އުމުރުފުރާގެ ހަމާސްގެ އިސް ފަރާތްތައް ހިމެނޭ ގޮތަށް ފަލަސްތީނުގެ ފިރިހެން 183 ގައިދީން ދޫކޮށްލުމަށް ވަނީ ހަމަޖެހިފައެވެ. ހަތް މީހަކު އިތުރަށް އަރުވާލުމުގެ ކުރިން މިސްރަށް ބަދަލުކުރާނެ އެވެ.