ހަމާސްއިން ޣައްޒާއިން ހައްޔަރު ކުރި ސަހްޔޫނީންގެ ހަ އަސީރުން މިނިވަންކޮށްފިއެވެ.

ފުރަތަމަ ދެ އަސީރުންނަކީ ޓަލް ޝޯހަމް އާއި އަވޭރާ މެންގިސްޓޫއެވެ. ދެ އަސީރުންވަނީ ހޮނިހިރު ދުވަހު ރަފާހުގައި ރެޑްކްރޮސްއާ ހަވާލުކޮށްފައެވެ.

އިތުރު ތިން އަސީރުން ކަމަށްވާ އެލިޔާ ކޯހެން، އޮމަރ ވެންކަރޓް އަދި އޮމަރ ޝެމް ޓޯވް ފަހުން ވަކި ރަސްމިއްޔާތެއްގައި ނޫސެއިރާތުގައި ރެޑްކްރޮސްގެ އޮފިޝަލުންނާއިވަނީ ހަވާލުކޮށްފައެވެ.

ހިޝާމް އަލް ސައީދަކީ، ހޮނިހިރު ދުވަހު ރެޑްކްރޮސްއާ ހަވާލުކުރި އެންމެ ފަހުގެ އަސީރެވެ. އުމުރުން 37 އަހަރުގެ މީހާ އަޅުވެތިކޮށްފައިވަނީ 2015 ވަނަ އަހަރުގެ އޭޕްރީލް މަހު ޣައްޒާއަށް ވަދެވަޑައިގަތުމުންނެވެ.

ހޮނިހިރު ދުވަހުގެ ފަހުކޮޅު ސަހްޔޫނީން އެގައުމުގެ ޖަލުތަކުގައި ބަންދުކޮށްފައި ތިބި ފަލަސްތީނުގެ 602 މީހަކު ދޫކޮށްލާނެއެވެ. އޭގެ ތެރޭގައި ސަހްޔޫނީ ސިފައިން ޣައްޒާއާ ދެކޮޅަށް ކުރި ހަނގުރާމައިގައި ބަންދުކުރި 445 މީހުންގެ އިތުރުން ދިގު މުއްދަތަކަށް ނުވަތަ އުމުރު ދުވަހުގެ ޖަލު ހުކުމެއް ތަންފީޒު ކުރަމުން ދިޔަ ދިހަވަރަކަށް މީހުން ހިމެނޭ ކަމަށް ރިޕޯޓުތަކުން ބުނެއެވެ.