ގާޒާގެ މުސްލިމުންނާ ދެކޮޅަށް ސަހްޔޫނީންގެ ފައުޖުން ހިންގަމުންދާ ގަތުލުއާންމުގެ ދަށުން، އެ ސަހަރުގެ ތިން ސުކޫލަކަަށް ނިރުބަވެރި ހަމަލާތަކެއްދީ، 33 މީހުން ޝަހީދު ކޮށްލައިފި އެވެ.

މި ހަމަލާގައި 100 އަށް ވުރެ ގިނަ މީހުން ޒަހަމްވެފައިވާ ކަމަށް ގާޒާގެ ސިވިލް ޑިފެންސް އެޖެންސީން ތަރުޖަމާނު މަހްމޫދު ބައްސާލް ވަނީ ވިދާޅުވެފަ އެވެ. ސުކޫލަކަަށް ދިން ހަމަލާތަކުގައި ޝަހީދު ކޮށްލާފައިވާ މީހުންގެ ތެރޭގައި 18 ކުޑަކުދިން ހިމެނޭ ކަމަށް ވެސް ބައްސާލް ވިދާޅުވި އެވެ.

ގާޒާގެ ސިއްހީ ހިދުމަތްތެރިން ބުނީ ފާއިތުވި 24 ގަޑިއިރުގެ ތެރޭގައި ގާޒާއަށް ދީފައިވާ ހަމަލާތަކުގައި ޝަހީދު ކޮށްލާފައިވާ މީހުންގެ އަދަދު 112އަށް އުފުލިފައިވާ ކަމުގަ އެވެ.

އޮކްޓޫބަރު 7، 2023 ގައި ސަހްޔޫނީން ގާޒާއަށް ދޭން ފެށި ހަމަލާތަކަށް ފަހު ފަލަސްތީނުގެ އެތައް ހާސް ބަޔަކު ވަނީ ރައްކާތެރިކަން ހޯދަން ސްކޫލްތަކާއި އެފަދަ އެހެން ފެސިލިޓީތަކުގައި ހިމާޔަތް ހޯދައިފަ އެވެ.

ސަހްޔޫނީން ސިފައިން ބުނީ ސްކޫލަށް އަމާޒުވި ހަމަލާއަކީ "ކޮމާންޑު ސެންޓަރަށް" ދިން ހަމަލާކަން ކަށަވަރުނުކުރެވޭ ކަމަށެވެ. ފާއިތުވި ދެ މަސް ދުވަހުގެ ތެރޭގައި ފަލަސްތީނުގެ ގިނަ އަދަދެއްގެ މީހުން އެނބުރި އެމީހުންގެ ގެދޮރާއި އަވަށްތަކަށް އެނބުރި އައިސް މިހާރު ގަދަކަމުން ގެދޮރު ދޫކޮށްލުމަށް މަޖުބޫރު ކުރަމުންދާކަމަށް މަސްދަރުތަކުން ރިޕޯޓު ކުރެއެވެ.