ޕާކިސްތާނަށް ބޯކޮށް ވާރޭވެހި މޫސުން ގޯސްވުމުގެ ސަބަބުން ފެންބޮޑުވެ 54 މީހުން މަރުވެފައިވާ ކަމަށް އެ ގައުމުގެ ޑިޒާސްޓާ އެޖެންސީން ރިޕޯޓްކޮށްފިއެވެ.
އިއްޔެ ހެނދުނުން ފެށިގެން ޕަންޖާބު ޕްރޮވިންސްގެ އެކި ސަރަހައްދުތަކަށް ބޯކޮށް ވާރޭ ވެހި ފެންބޮޑުވުމުގެ ހާދިސާތައް ދަނީ ހިނގަމުންނެވެ.
54 މީހުން މިހާތަނަށް މަރުވެފައިވާ އިރު 227 މީހަކަށްވަނީ އެކި ޒަޚަމްތައްވެފައެވެ. އަދި ފެންބޮޑުވުމުގެ ސަބަބުން އެކި ސަރަހައްދުތަކުން މީހުން ހުސްކުރުމުގެ މަސައްކަތްވެސް ޑިޒާސްޓާ އޭޖެންސީއިން ކުރަމުން އަންނަ ކަމަށް ބުނެފައިވެއެވެ.
މޫސުން ގޯސްވުމުގެ ސަބަބުން ގޭގައި ތިބުމަށް ބާރު އެޅުމުގެ ގޮތުން މިއަދަކީ ސަރުކާރު ބަންދު ދުވަހެއްކަން އިއުލާންކޮށްފައެވެ.
