ތައިލެންޑް އަދި ކެމްބޯޑިއާގެ ދެމެދުގައި ޚާރިޖީ ގުޅުން ގޯސްވެ ހަނގުރާމައަކާ ދިމާއަށް މިސްރާބު ޖަހައިފިއެވެ.
މިގޮތުން، ތައިލޭންޑާއި ދެމެދު ޖެހިފައިވާ ބޯޑަރު މައްސަލަ ހޫނުވެ، ހަމަލާތައް ބަދަަލުކުރަން ފެށުމާއި އެކީ ކެމްބޯޑިއާއިން އެގައުމުގެ ހޮސްޕިޓަލަކަށާއި އާންމުން ދިރިއުޅެމުން އަންނަ ސަރަހައްދަކަށް ހަމަލާތަކެއް ދީފައިވާ ކަމަށް ތައިލޭންޑް އިން ވަނީ ތުހުމަތުކޮށްފައެވެ.
މިހަމަލާތަކުގައި ގިނަ އަދަދެއްގެ ރައްޔިތުން މަރުވެފައިވާ ކަމަށް ތައިލޭންޑްގެ ފޮރިން މިނިސްޓްރީން ހާމަކޮށްފައިވެއެވެ.
ކެމްބޯޑިއާއިން ދެމުންދާ ހަމަލާތައް ނުހުއްޓައިފިނަމަ ތައިލޭންޑް އިންވެސް އަސްކަރީ ބާރު ބޭނުންކުރާނެ ކަމުގެ އިންޒާރު ތައިލޭންޑް އިން ވަނީ ދީފައެވެ.
ދެގައުމުގެ ދެމެދުގައި ޖެހިފައިވާ ބޯޑަރު މައްސަލަ، ހޫނުވެ، ނުތަނަވަސްކަން އިތުރުވެ، ހަމަލާތައް ދޭން ފަށާފައިވަނީ ރޭ ފަތިހުގެ ވަގުތެއްގައެވެ. މި ހަމަލާތަކުގައި މިހާތަނަށް ތައިލޭންޑުގެ 11 މީހުން ވަނީ މަރާލާފައި ކަމަށް ރިޕޯޓްކޮށްފައިވެއެވެ.
