ތައިލޭންޑް އާއި ކެމްބޯޑިއާ ދެމެދު ހިނގަމުންދާ ހަނގުރާމައިގައި މިހާތަނަށް 32 މީހުން މަރުވެ 100 ވުރެ ގިނަ މީހުން ޒަޚަމްވެފައިވާ ކަމަށް ރިޕޯޓްކޮށްފިއެވެ.

ކެމްބޯޑިއާގެ ސަރުކާރުން ހާމަކޮށްފައިވާ ގޮތުގައި އިތުރު 12 މީހަކު މަރާލާފައިވާ ކަމަށާއި މިހާރު ދެގައުމުން މަރުވެފައިވާ މީހުންގެ އަދަދު 32 އަށް އަރާފައިވެއެވެ.

މިކަމުގެ ސަބަބުން އޭޝިއާގެ ސަރަހައްދުތަކުގައި ދިރިއުޅެމުން އަންނަ މީހުންނަށް މި ހަނގުރާމައިން އަސަރު ކުރުމުގެ ބިރު ބޮޑުވެފައިވާކަމަށް ބުނެފައިވާ ކަމަށް ތަޖުރިބާކާރުން ބުނެއެވެ.

ތައިލޭންޑުން ރިޕޯޓްކުރިގޮތުގައި 13 އާންމުންނާއި 6 ސިފައިން ވޭދުވެ ދިއަ 2 ދުވަސްތެރޭގައި މި ހަނގުރާމައިގައި މަރުވެފައިވެއެވެ. މީގެއިތުރުން 29 ސިފައިންނާއި 30 އާންމުން ކެމްބޯޑިއާގެ ހަމަލާތަކުގެ ސަބަބުން ޒަހަމްވެފައިވާ ކަމަށް ރިޕޯޓްކޮށްފައިވެއެވެ.

ކެމްބޯޑިއާއިން ހާމަކޮށްފައިވާގޮތުގައި އެ ގައުމުގެ އުތުރު ބޯޑަރު ކައިރީގައި ދިރިއުޅޭ 20000އަށް ވުރެ ގިނަ ރައްޔިތުން ވަނީ މިހާރު އެހެންތަންތަނަށް ބަދަލުކޮށްފައެވެ. ތައިލޭންޑުން ހާމަކުރި ގޮތުގައި އެގައުމުގެ 138000 އަށް ވުރެ ގިނަ ރައްޔިތުން މިހާރު ބޯޑަރުތަށް ކައިރިން ދުރަށް ގެންގޮސްފައިވެއެވެ.

ތައިލެންޑުން ބުނާ ގޮތުގައި ހަމަނުޖެހުންތައް ފެށުނީ ކެމްބޯޑިއާގެ އަސްކަރިއްޔާއިން ބޯޑަރު ކައިރީގައި ތިބި ތައިލެންޑް ސިފައިންގެ ސަވައިލެންސް ހިންގުމަށް ޑްރޯންތައް ބެހެއްޓުމުން ކަމަށާއި ކެމްބޯޑިއާ އިން ބުނީ މި ހަމަނުޖެހުންތައް ފެށުނީ ތައިލެންޑް ސިފައިން، ބޯޑަރު ކައިރީގައި ހުރި ޚްމޭރު ހިންދޫ ފައްޅި ހުންނަ ސަރަހައްދަށް ވަދެ، ކުރިން ވެވިފައިވާ އެއްބަސްވުމަކާ ހިލާފުވުމުން ކަމަށެވެ.