އިންޑިއާގެ ބާރުގެ ދަށުގައި އޮންނަ ކަޝްމީރުގައި ހިނގި ހަމަނުޖެހުމެއްގެ ތެރެއިން “ނިރުބަވެރިން” ކަމަށް ބުނެ އިންޑިއާ ސިފައިން 03 މުސްލިމެއްގެ ގަޔަށް ބަޑި ޖަހައި މަރާލާފިއެވެ.
މި ހާދިސާ ހިނގާފައިވަނީ ހަމަނުޖެހުން ހިނގި މައި ސިޓީކަމަށްވާ ސްރީނަގަރް އާއި ގާތްގަނޑަކަށް 30 ކިލޯމީޓަރު ދުރުގައި އޮންނަ ދަޗިގަމް ފަރުބަދަމަތީގައި ކަމަށް ރިޕޯޓްކޮށްފައިވެއެވެ.
އިންޑިއާގެ މޯދީ ސަރުކާރުން އަންނަނީ ކަޝްމީރުގެ މުސްލިމުންގެ ބޮލުގައި ޓެރަރިސްޓް ޓެގް އަޅުވައި އެމީހުން މަރާ ދިރިއުޅުމަށް ދަތި ކުރަމުންނެވެ.
މިގޮތުން، އެމީހުންގެ ހުރިހާ ހަރަކާތްތަކަކަށް ފާރަލާ، ބަލިވުމުން ފަރުވާއަށް ހުރަސް އަޅާ މަރުވާން އަންނަނީ ދޫކޮށްލަމުންނެވެ.
މީގެ އިތުރުން، މޯދީ ސަރުކާރަކީ ފަލަސްތީނުގެ މުސްލިމުން މަރަން ސަހްޔޫނީންނަށް ހަތިޔާރު ފޯރުކޮށްދީ މުސްލިމުންނާއި ދެކޮޅަށް ފާޅުގައި ހަރަކާތްތެރި ވަމުން އަންނަ ބަޔެކެވެ.
އިންޑިއާ ސިފައިން މިހާތަނަށް ކަޝްމީރުގެ އެތައް ހާސް މުސްލިމުން އެކި ގޮތްގޮތަށް އަނިޔާކޮށް މަރާލާފައިވެއެވެ.
