theyra online
ހަބަރު
ސިޔާސީ
ވިޔަފާރި
ދުނިޔެ
ރިޕޯޓު
ވީޑިއޯ
ފޮޓޯ
Theme
Copyright © 2013-2025 Media Ring Pvt Ltd.
All rights reserved
- / އަލްޖަޒީރާ
ދުނިޔެ
ސަހްޔޫނީންގެ ހަމަލާތަކުގައި 18500 އަށްވުރެ ގިނަ ތުއްތު ކުދިން ޝަހީދުވެއްޖެ
Aiminath Zawjah
އައިމިނަތް ޒަޢުޖާ
01 އޯގަސްޓު 2025
މާލެ ސިޓީ

ސަހްޔޫނީންގެ ނިރުބަވެރިން ދެމުންދާ ހަމަލާތަކުގައި މިހާތަނަށް 18،500 އަށްވުރެ ގިނަ ކުޑަކުދިން ޝަހީދުވެފައިވާ ކަމަށް އެ ގައުމުގެ ހެލްތް މިނިސްޓްރީ އިން ހާމަކޮށްފިއެވެ.

އެ މިނިސްޓްރީ އިން ހާމަކޮށްފައިވާ ގޮތުގައި ވަނަ އަހަރުގެ އޮކްޓޯބަރު މަހުން ފެށިގެން އިސްރާއީލު ސިފައިން ޣައްޒާގައި ފަލަސްތީނުގެ 18،592 ކުޑަކުދިން ޝަހީދުކޮށްފައިވެއެވެ.

އަދި މީގެ ތެރޭގައި އުފަންވިތާ ގަޑިއިރުތަކެއް ނުވަތަ ދުވަސްތަކެއް ނުވާ ތުއްތު ތުއްތު ކުދިން ގިނަ އަދަދަކަށް ހިމެނޭކަންވެސް އެ މިނިސްޓްރީ އިން ވަނީ ފާހަގަކޮށްފައެވެ.

ހެލްތް މިނިސްޓްރީ އިން ހާމަކޮށްފައިވާ މައުލޫމާތުގައިވާ ގޮތުން، ޝަހީދުވި ކުދިންގެ ތެރޭގައި އުފަންވި ދުވަހު 9 ތުއްތު ކުއްޖަކު، އުމުރުން އެއް ދުވަހު 5 ކުއްޖަކު، ދެ ދުވަހު 5 ކުއްޖަކު، އަދި ތިން ދުވަހު 8 ކުއްޖަކު ހިމެނެއެވެ. މީގެ އިތުރުން، އުމުރުން އެއް މަހުގެ 88 ކުއްޖަކު، ދެ މަހުގެ 90 ކުއްޖަކު، އަދި ތިން މަހުގެ 78 ކުއްޖަކު ވެސް ޝަހީދުވި ކުދިންގެ ލިސްޓުގައި ހިމެނެއެވެ.

މީގެ އިތުރުން، ސަހްޔޫނީން އަންނަނީ ޣައްޒާ ވަށާލައި ބަނޑުހައި ހޫނުކަމުގައި ޣައްޒާ ރައްޔިތުން ބައިތިއްބާ މަރަމުންނެވެ.

ސަހްޔޫނީން ބަނޑުހައިހޫނުކަމުގެ ހާލަތު ގަސްތުގައި ގޯސްކޮށް، ޝަހީދުކޮށްލާފައިވާ މީހުންގެ އަދަދު 159 އަށް އަރާފައިވާ ކަމަށާއި އޭގެ ތެރޭގައި 90 ކުޑަކުދިން ހިމެނޭ ކަމަށް ހެލްތް މިނިސްޓްރީ އިން ފާހަގަކޮށްފައިވެއެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved