އަޅުގަނޑުމެންނަކީ ޖަނަވާރުންތަކެއް ނޫން، އަޅުގަނޑުމެންނަކީ އިންސާނުން ކަމަށާއި ޣައްޒާގެ ނިކަމެތި ރައްޔިތުންނަށް އަނިޔާވެރި ވަމުންދާ މަންޒަރު ދެކެން އިންސާނީ އުއްމަތަށް ހަމަޖެހިގެން ތިބެވޭ ކަމަށް ޣައްޒާގެ ރައްޔިތުން ސުވާލުކޮށްފިއެވެ.
މީސްމީޑިޔާގައި ދައުރުވެފައިވާ ޕޯސްޓެއްގައި ޣައްޒާ ރައްޔިތަކު އަސަރާއި އެކު ބުނެފައިވަނީ ޖަނަވާރުންތަކަށްވެސް ކާން ދޭނެ ފަރާތްތައް ލިބިގެންވާ ކަމަށާއި ކާލާނެ އެތިކޮޅަކަށް ޣައްޒާ ރައްޔިތުން އަންނަނީ މުޅި ދުނިޔެއަށް ސަލާން ޖަހަމުންކަމަށް ބުނެފައިވެއެވެ.
ސަހްޔޫނީންގެ ހަމަލާތައް ހުއްޓުމަކަށް އަދިވެސް އައިސްފައި ނުވާއިރު، ސަހްޔޫނީން މިހާރު އަންނަނީ އެހީދޭ ސައިޓްތަކަށް އަމާޒުކޮށް ހަމަލާތައް ދެމުންނެވެ.
ބައިނަލްއަގްވާމީ އެހީދޭ ޖަމިއްޔާތަކުން ޣައްޒާގެ ތެރެއަށް އެހީގެ ޓްރަކްތައް ވެއްދުމުގެ މަސައްކަތް ހުއްޓުމެއް ނެތި ކުރަމުން އަންނައިރު މީގެ ތެރެއިން ގިނަ ޓްރަކްތައް ލޫޓުވާ ބޮޑެތި ހަމަނުޖެހުންތައް ޣައްޒާ ތެރޭގައި އަންނަނީ ފެތުރެމުންނެވެ.
ބަނޑުހައި ހޫނުކަމަށް ކެތް ނުވެ ތުއްތު ފުރާނަތައް އަންނަނީ ކޮންމެ ދުވަހަކު މި ދުނިޔެއާއި އަލްވަދާއު ކިޔަމުންނެވެ.
