ގދ. ފިޔޯރީގައި ރުކެއް ކަނޑަން އުޅުމުގެ ތެރޭގައި މީހެއްގެ މޭކަށިގަނޑު ބިންދައިގެން ގޮސްފިއެވެ.
އެ ހާދިސާގައި އަނިޔާވެފައިވަނީ ފިޔޯރީގެ 38 އަހަރު ޒުވާނެއް ކަމަށްވާ އަނީދު ސައީދަށެވެ.
ފިޔޯރީ ކައުންސިލްގެ އޮފޝަލަކު ބުނެފައިވަނީ އަނީދަށް އަނިޔާވީ، ރުއް ކަނޑަން އެއްސި ވާ އަނީދުގެ ފައިގައި އޮޅި، އޭނާ ދުރަށް ވިއްސައިގެން ގޮސް ކަމަށެވެ. މޭކަށިގަނޑު ބިނދި، އިތުރު އަނިޔާތަކެއް އޭނާއަށް ވަނީ ލިބިފަ އެވެ.
އަނީދު ފުރަތަމަ ގެންދިޔައީ ތިނަދޫގައި ހުންނަ އަބްދުއްސަމަދު މެމޯރިއަލް ހޮސްޕިޓަލަށެވެ.
އިތުރު ފަރުވާއަށް އަނީދު މާލެއަށް ފޮނުވާފައިވާ ކަމަށެވެ. އަދި އޭނާގެ ހާލު ރަނގަޅުވަމުންދާ ކަމަށްވެސް މައުލޫމާތު ވަނީ ލިބިފައެވެ.
