ބުރުގާ ބޭނުންކުރުން މަނާކުރާ އާ ގާނޫނެއް ޑެންމާކުން އިއުލާންކޮށްފަ އެވެ.
މުސްލިމް އަންހެނުންގެ ބުރުގާއަކީ އެމީހުންގެ އީމާންތެރިކަމާއި އައިޑެންޓިޓީގެ މުހިންމު ބަޔަކަށް ވާއިރު ޑެންމާކްއިން މިފަދަ ނިންމުމެއް ނިންމާފައިވާތީ އެ ގައުމުގައި ދިރިއުޅޭ މުސްލިމް މުޖުތަމައު އަންނަނީ ކަންބޮޑުވުން ފާޅުކުރަމުންނެވެ.
މި ގާނޫނުގެ ސަބަބުން އިތުރަށް ޑެންމާކުގައި ހިތްހަމަނުޖެހުން އުފެދި ބައިބައިވުން އުފެދިދާނެ ކަމަށާއި މިއީ ސީދާ ދީނީ މިނިވަންކަމަށް ހުރަސްއެޅުން ކަމުގައި މި ފަރާތްތަކުން އަންނަނީ ގޮވާލަމުންނެވެ.
ޑެންމާކުން މުސްލިމުންނާއި ދެކޮޅަށް މިފަދަ ނިންމުމެއް ނިންމާފައިވާއިރު ނިއުޒިލޭންޑްގައި ވެސް ވަނީ މުސްލިމުންނާއި ދެކޮޅަށް މުޒާހަރާތައް ކޮށްފައެވެ.
ދުނިޔޭގެ ހުރިހާ ކަންކޮޅުތަކެއްގައިވެސް މުސްލިމް މުޖުތަމައުއާއި ދެކޮޅަށް އަޑުއުފުލާ ގިނަ ތަކުލީފުތަކައް ކުރިމަތިކުރުވަނީ ފަލަސްތީނުގެ ދިފާއުގައި މުސްލިމުން ސަހްޔޫނީންނާއި ދެކޮޅަށް ތެދުވެ އަދި ޔޫރަޕުގެ ގިނަ ގައުމުތަކުން ފަލަސްތީނަކީ މިނިވަން ދައުލަތެއްގެ ގޮތުގައި ބަލައިގަނެ އެކަން އިއުލާން ކުރަމުންދާތީ ކަމަށްވެސް ކަމާއި ގުޅޭ ފަރާތްތަކުން އަންނަނީ ބުނަމުންނެވެ.
