ސަހްޔޫނީން ޣައްޒާގައި ހިންގަމުންދިޔަ ޤަތުލް ޢާންމު ސުލްހައިގެ އެއްބަސްވުމަކާއި އެކު ހުއްޓާލުމާއިއެކު، ޣައްޒާގެ ރައްޔިތުންނަށް ބޭނުންވާ ކާބޯތަކެތި ފޯރުކޮށްދިނުމުގެ މަސައްކަތް ފެށިފައިވާކަމަށް ރާއްޖެއިން ޣައްޒާއަށް އެހީ ފޯރުކޮށްދޭ ޖަމިއްޔާ، އިންޓަނޭޝަނަލް އެއިޑް ކެމްޕެއިން (އައިއޭސީ) އިން ބުނެފިއެވެ.
އައިއޭސީން ބުނި ގޮތުގައި އެ ޤަތުލްޢާންމު ހުއްޓާލުމާއެކު 4،200 ކާބޯތަކެތީގެ ޕެކޭޖް ވަނީ ޣައްޒާގެ ދެއިރްބަޙަލް އަށް ފޯރުކޮށްދީފައެވެ. އޭގެ ތެރޭގައި ހަނޑޫ، އޮލިވްއޮއިލް، ހަކުރު، ލޮނު، ސައިފަތް، ޓޮމާޓޯ ޕޭސްޓް، ސޫޕް ޕައުޑަރު، ޓޫނާ، ޗީސް، އަދިގެސް އިތުރު ބާވަތްތައް ވެސް ހިމެނޭ ކަމަށް އެ ޖަމިއްޔާއިން މައުލޫމާތު ދެއެވެ.
މީގެ އިތުރުން ޤަތުލުއާއްމު ހުއްޓި ޣައްޒާގެ ރައްޔިތުން ގެތައް ހުރި ހިސާބުތަކަށް އަލުން އަންނަމުންދާއިރު މިފަދަ އެހީތަކަކީ އެންމެ ބޮޑަށް ބޭނުންވާ ކަންކަމަށާއި، ކެއިން ބުމާއި ބޯހިޔާވަހިކަމުގައި ދިވެހީންގެ އެހީތެިރކަން ޣައްޒާގެ ރައްޔިތުންނަށް ބޭނުންވާ ކަމަށްވެސް އައިއޭސީއިން ބުނެފައިވެއެވެ.
އައިއޭސީ މެދުވެރިކޮށް ޣައްޒާއަށް އެހީތެރިކަން ފޯރުކޮށްދޭން ބޭނުންވާ ފަރާތްތަކަށް ޓްރާންސްފާ ކުރެވޭނެ އެކައުންޓްތައް:
ބީއެމްއެލް އިސްލާމިކް: 7770000062741
އެމްއައިބީ: 90101555002111001
އެކައުންޓް ނަން: International Aid Campaign
