ހަފުތާ ބަންދުގައި ހެއިޓީގެ ނޭޝަނަލް ޕެނިޓެންޝަރީގައި ހިނގި ހަމަނުޖެހުންތަކުގައި އެޖަލުގައި ތިބި 3,687 ގައިދީންގެ ތެރެއިން ގާތްގަނޑަކަށް 3،500 ގައިދީން ފިލާފައިވާ ކަމަށް އދ.ގެ އޮފިޝަލުންނާ ހަވާލާދީ ސީއެންއެން އިން ރިޕޯޓް ކޮށްފައި ވެއެވެ.

ކަލެކްޓިވް އޮފް ލޯޔަރސް ފޯ ދަ ޑިފެންސް އޮފް ހިއުމަން ރައިޓްސް އިން ހޭޓީ، (ސީއޭޑީޑީއެޗްއޯ) ގެ ވެރިޔާ ހޭޓިއަން ވަކީލު އާނެލް ރެމީ ވިދާޅުވި ގޮތުގައި ނޭޝަނަލް ޕެނިޓެންޝަރީން ޖުމްލަ 3،597 ގައިދީން ފިލާފައި ވެއެވެ.

ރެމީ ބުނީ އޭނާގެ ޓީމު ހުކުރު ދުވަހު ޖަލަށް ދިޔަކަމަށާއި ބާކީ ތިބި 99 ގައިދީން އެހެން ތަންތަނަށް ބަދަލު ކުރަމުންދާ ކަމަށާއި ޖަލު މިހާރު ހުސްކޮށް ފުލުހުންގެ ވެހިކަލްތަކުން ވަށާލާފައިވާ ކަމަށެވެ.

ހޭޓިއަންގެ ކޮމިއުނިކޭޝަން މިނިސްޓްރީން ހުކުރު ދުވަހު ނެރުނު ބަޔާނެއްގައި ބުނެފައި ވަނީ ފުލުހުން ކުރިމަތިލާފައިވަނީ "ކޮންމެ އަގެއް ދައްކައިގެން ނަމަވެސް ބަންދުން މިނިވަން ކުރަން މަސައްކަތް ކުރި ބަރު ހަތިޔާރު އެޅި ކުށްވެރިންނާ" ކަމަށާއި "ގިނަ އަދަދެއްގެ ގައިދީން ޖަލުން ނިކުތުން ހުއްޓުވޭ ގޮތެއް ނުވި" ކަމަށެވެ. އެ ބަޔާނުގައި އިތުރަށް ބުނެފައިވަނީ އެ ހާދިސާގައި ގިނަ ގައިދީންނާއި ޖަލުގެ މުވައްޒަފުންނަށް އަނިޔާވެފައިވާ ކަމަށެވެ.

މީގެ ކުރިން އެކްސްގައި ކުރި ޕޯސްޓެއްގައި ހޭޓީގެ ފުލުހުންގެ ޔޫނިއަނުން ވަނީ ޖަލުގެ ކޮންޓްރޯލް ދެމެހެއްޓުމަށް ހަނގުރާމަކުރާ ފުލުހުންނަށް އެހީތެރިވުމަށް ވެރިރަށުގައި ތިބި ކާރާއި ހަތިޔާރު ތިބި ހުރިހާ އޮފިސަރުން ނިކުތުމަށް އެދި އާދޭސްކޮށްފަ އެވެ. އެގޮތުން ގޭންގް ތަކަށް ކާމިޔާބު ލިބިއްޖެ ނަމަ “އަހަރެމެންގެ ދުވަސް ދިޔައީ. އިތުރު 3،000 މަގުފޭރޭ މީހުން ތިބޭނީ މަގުމަތީ، އެއްވެސް މީހަކު ސަލާމަތް ނުކުރެވޭނެ،” ބަޔާނުގައިވެ އެވެ.

ހުކުރު ދުވަހު ބާބަކިއުގެ ނަމުން މަޝްހޫރު ހޭޓިއަން ގޭންގް ލީޑަރު ޖިމީ ޗެރިޒިއާ ވަނީ ބޮޑުވަޒީރު އެރިއެލް ހެންރީ ވެރިކަމުން ދުރުކުރަން މަސައްކަތް ކުރައްވަމުން ގެންދަވާ ކަމަށް ވިދާޅުވެ، މަގުތަކަށް ނުކުމެ ފުލުހުންނާ ދެކޮޅަށް ހަނގުރާމަ ކުރަން ފަށާ މުޅި ގައުމު ހަލަބޮލިކޮށްފައެވެ.