ޗައިނާ އާއި ފިލިޕީންސްގެ ކޯސްޓްގާޑް އުޅަނދުތައް ޖެހި  ފިލިޕީންސްގެ ހަތަރު ފަޅުވެރިން ޒަހަމްވެއްޖެ އެވެ.

ފިލިޕީންސްގެ އޮފިޝަލެއް ވިދާޅުވީ މި ހާދިސާ ދިމާވީ ޗައިނާގެ ކޯސްޓްގާޑް ބޯޓުތަކާއި އެއާއެކު ދަތުރުކުރި އުޅަނދުތަކުން ފިލިޕީންސްގެ ކޯސްޓްގާޑާއި ސަޕްލައި އުޅަނދުތައް ދަތުރުކުރި ރޫޓް ބަންދުކޮށް، މައްސަލަ ބޮޑު ސެކަންޑް ތޯމަސް ޝޯލްގެ ބޭރުގައި ނުރައްކާތެރި "މެނިއުވަރތަކެއް" ހިންގުމުން ކަމަށެވެ.

ނަމަވެސް ޗައިނާގެ އޮފިޝަލުން ވިދާޅުވީ އެގައުމުގެ ކޯސްޓްގާޑުން ބުނީ ފިލިޕީންސްގެ ބޯޓުތައް ގަވާއިދާ ހިލާފަށް އެ ސަރަހައްދުގެ ކަނޑުގެ ތެރެއަށް ވަދެފައިވާ ކަމަށާއި އޭގެ ތެރެއިން އެއް ބޯޓު ޗައިނާގެ އުޅަނދުގައި ގަސްތުގައި ޖެއްސީ ކަމަށެވެ.

ފިލިޕީންސްގެ އޮފިޝަލުން ބުނީ ފިލިޕީންސްގެ ކޯސްޓްގާޑުގެ ބީއާރުޕީ ސިންޑަންގަން އަށް ފަތިސް ވަގުތުގައި ހިނގި އެކްސިޑެންޓެއްގެ ސަބަބުން ސްޓްރަކްޗަރަލް ގޮތުން ކުދިކުދި ގެއްލުންތަކެއް ލިބިފައިވާ ކަމަށެވެ.  އޭގެ ގަޑިއިރަކަށް ވުރެ ގިނައިރު ފަހުން ޗައިނާގެ ކޯސްޓްގާޑްގެ އެހެން ބޯޓެއް ފުރަތަމަ ބްލޮކްކޮށްލުމަށްފަހު ފިލިޕީންސްގެ ކޯސްޓްގާޑުން އެސްކޯޓް ކުރަމުން ދިޔަ ސަޕްލައި ދޯނީގައި ޖެއްސީ ކަމަށް އޮފިޝަލުން ބުނެ އެވެ.

ފިލިޕީންސްގެ ކަނޑުގެ ސިފައިންގެ މީހުން ތިބި މި ސަޕްލައި ދޯންޏަށް ފަހުން ވަނީ ޗައިނާގެ ކޯސްޓްގާޑުގެ ދެ ބޯޓަކުން ފެން ޖަހާފައެވެ. އޭގެ ވިންޑްޝީލްޑް ފަޅައިގެން ގޮސް ފިލިޕީންސްގެ ހަތަރު ފަޅުވެރިންނަށް އަނިޔާވެފައިވާ ކަމަށް ސަރަހައްދީ މައްސަލަތަކާ ބެހޭ ފިލިޕީންސް ސަރުކާރުގެ ޓާސްކް ފޯހުން ނެރުނު ބަޔާނެއްގައިވެ އެވެ.

ޓާސްކްފޯހުން ބުނީ ޗައިނާގެ އަމަލުތަކަކީ "ގަވާއިދާ ހިލާފަށް ރޫޓިން ރީސަޕްލައި އަދި ރޮޓޭޝަން މިޝަނަކަށް ހުރަސްއެޅުމަށް ނުވަތަ ހުރަސްއެޅުމަށް ކުރާ މަސައްކަތެކެވެ."