ދިވެހިންގެ އެހީގައި ކާބޯތަކެތީގެ 5،000 ޕެކޭޖް ގައްޒާއަށް ބަހާފައިވާ ކަމަށް އިންޓަރނޭޝަނަލް އެއިޑް ކެމްޕެއިން (އައިއޭސީ) އިން ބުނެފިއެވެ.

އައިއޭސީއިން އކެސްގައި ކުރި ޕޯސްޓެއްގައި ހާމަކޮށްފައިވާ ގޮތުގައި އުތުރު ޣައްޒާގެ ރައްޔިތުން ތިބީ ވަރަށް ދަތި ހާލުގައި ބަނޑޫހައިހޫނުކަމުގައެވެ. އެހެންކަމުން ޣައްޒާގެ ރައްޔިތުންނަށް އެހީތެރިވުމުގެ ގޮތުން ދިވެހީންގެ ފަރާތުން ވަނީ ކާބޯތަކެތީގެ ޕެކޭޖުތައް ބަހާފައެވެ. އެއީ އެ ސަރަހައްދުގައި ތިބި ރައްޔިތުންނަށް ލިބޭ ލުޔަކަށް ވާނެ ކަމަށް އުންމީދު ކުރާ ކަމަށް ވެސް އެ ޖަމިއްޔާއިން ބުންޏެވެ.

ޣައްޒާގެ ކުޑަކުދިންނާއި ބޮޑެތި މީހުން ވެސް ދަނީ ބަނޑުހައި ހޫނުކަމުގައި ދުނިޔެ ދޫކުރަމުންނެވެ. މިފަދަ ނާޒުކު ބިރުވެރި ހާލަތެއްގައި ޣައްޒާ އޮތްއިރު ވެސް ދިވެހިންގެ ފަރާތުން ކޮންމެ ވެސް ވަރެއްގެ އެހީއެއް އެ ރައްޔިތުންނަށް ފޯރުކޮށްދެވޭ އުތުރު ޣައްޒާއަކީ، ހަމަލާތަކުގައި އެންމެ ބޮޑަށް ހަލާކުވި ސަރަހައްދުކަން އެ ޖަމިއްޔާއިން ފާހަގަކުރިއެވެ.

ފަލަސްތީނުގެ ޣައްޒާގައި އެހީ ހޯދުމަށްޓަކައި ނުކުމެތިބި ކުށެެއް ނެތް އާންމު ރައްޔިތުންނަށް ވެސް އިސްރާއީލުގެ ނިރުބަވެރި ސިފައިން ދަނީ ބަޑީގެ ހަމަލާދީ ޝަހީދުކުރަމުންނެވެ.

ޣައްޒާގައި ގަތުލުއާންމެއް ހިންގަމުންދާއިރު، އިސްރާއީލުން ދަނީ ފަލަސްތީނުގެ ހުޅަނގު އައްސޭރީގައި 3،500 ހައުސިން ޔުނިޓް އަޅަން ތައްޔާރުވަމުންނެވެ. މިކަން ޣުރުދުން ފަދަ އަވަށްޓެރި ބައެއް ގައުމުތަކުން ވަނީ ކުށްވެރިކޮށްފައެވެ.