މޯލްޑިވް ގޭސްގެ ޑީއެމްޑީގެ މަގާމުގައި ހުރި މުހައްމަދު އަބްދުލް ކަރީމު (ރުކުމާ އަހުމަދު) އެ މަގާމުން ވަކިވެވަޑައިގެންފިއެވެ.
ރުކުމާގެ ގާތް މީހަކު ޗެނަލް13އަށް މައުލޫމާތު ދިން ގޮތުގައި އޭނާ މަގާމުން ވަކިވީ ސިދާ ރައީސުލްޖުމްހޫރިއްޔާ މުހައްމަދު މުއިއްޒު އަންގަވައިގެންނެވެ.
ރައީސް އެފަދަ އެންގެވުމެއް އެންގެވީ ކުންފުނީގެ އެމްޑީގެ އެދުމަކަށް ކަމަށްވެސް މައުލޫމާތު ލިބިފައިވެއެވެ.
ރުކުމާ މި ސަރުކަރުގައި އެންމެ ފުރަތަމަ ހުންނެވީ، ވެމްކޯގައެވެ. އެގެ ފަހުން ފެނަކައިގެ ޑީއެމްޑީ ކަމުގެ މަގާމުގައި ހުންވަަނިކޮށް މޯލްޑިވް ގޭސްއަށް ބަދަލުކުރީ 2025 ވަނަ އަަހރުގެ ޖުލައި 1 ގައެވެ.
ރުކުމާ އަހުމަދު މަގާމުން ވަކިވެފައި މިވަނީ، ސަރުކާރުގެ ގޭސް ކުންފުންޏަށް އެސްޓީއޯއިން އެތެރެކުރާ ގޭސް ހުސްވެ ބޮޑު ގެއްލުމަކާ ދިމާލަށް މިސްރާބު ޖަހާފައިވެސްވާ ދަނޑިވަޅެއްގައެވެ.
