ދައުލަތުގެ ހިންގުމުގެ ހަރުދަނާކަން ނެތުމުން އޭގެ ދަތި އުފުލަން ޖެހޭނީ ރައްޔިތުން ކަމަށް މާލެ ސިޓީގެ މޭޔަރު ކަމަށް ވާދަކުރައްވާ ގައުމީ ކެންޑިޑޭޓު އިސްމާއިލް ޒަރިޔަންދު ވިދާޅުވެއްޖެއެވެ.
ޒަރިޔަންދު މިފަދައިން ވިދާޅުވެފައިވަނީ އޭނާ ކުރިއަށް ގެންދާ ޕޮޑްކާސްޓު، ޓޯކްސް ވިތު ޒަރިޔަންދުގައި ވާހަކަ ދައްކަވަމުންނެވެ.
ޒަރިޔަންދު ވިދާޅުވީ، ގައުމުގައި އެންމެން އެއް ދިމާއަކަށް ހިޖުރަ ކުރަން މަޖްބޫރުވަނީ ދައުލަތުގެ މައިގަނޑު ރޭވުންތަކުގައި ހުރި މައްސަލަތަކުން ކަމަށާ އެ ފަރާތްތަކަށް ހިދުމަތްދިނުން އަނެއްކޮޅުން ދަތިވަނީ ވަނީ ސިޓީ ކައުންސިލްގެ ރޭވުންތަކުގައި ހުރި ދޯހަޅި ކަމުން ކަމަށެވެ.
މީގެ އިތުރުން ޒަރިޔަންދު ވަނީ އޭނާގެ މޭޔަރުކަމެއްގައި، ރައްޔިތުންނާ ގުޅުން ހުރި އެއްވެސް ކަމެއްގައި ފޫކަހައިފި ނަމަ މޫނަކަށް ކަނދުރާއަކަށް ބެލުމެއް ނެތި ފިޔަވަޅު އަޅަން އޭނާއަށް ކެރޭނެ ކަަމަށް ވެސް ވިދާޅުވެފައެވެ.
